شينجياڭدا 2 ماڭىزدى سازدىق جاڭادان قوسىلدى

شينجياڭنىڭ سازدىعىنا تاعى دا تىڭ جەر قوسىلدى. 1 – ايدىڭ 27 – كۇنى، شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسى 3 ـ توپتاعى اۆتونوميالى رايوننىڭ ماڭىزدى سازدىق تىزىمدىگىن جاريالادى، ءۇرىمجى قالاسى دابانچىڭ رايونى ساياپىل كولى سازدىعى مەن كۇنەس اۋدانى نارات سازدىعى ءساتتى تۇردە تاڭدالدى. وسى رەتكى تىزىمدىك جاڭالانعاننان كەيىن، شينجياڭ ۇيعۇر اۆتونوميالى رايونىنداعى ماڭىزدى سازدىقتاردىڭ جالپى سانى 19 عا جەتىپ، سازدىقتى قورعاۋ توراپ جۇيەسى ونان ارى كەمەلدەندى.

وسى رەت تاڭدالعان ەكى سازدىقتىڭ وزىندىك ەرەكشەلىگى بار. تيانشاننىڭ سولتۇستىك بوكتەرىندەگى ساياپىل كولى سازدىعى ءۇرىمجى توڭىرەگىندەگى ماڭىزدى جىل قۇستارىنىڭ قوناقتايتىن بەكەتى، بۇل وڭىردەن اققۋ، سۇر تىرنا، تىرنا سياقتى كوپتەگەن سيرەك كەزدەسەتىن باعالى قۇستاردى باقىلاۋعا بولادى. ال ىلە اڭعارىنا ورنالاسقان نارات سازدىعى وزگەشە اسقار تاۋ شالعىندى ەكولوگيالىق جۇيەسى ارقىلى اققۋ، قۇتان سياقتى سيرەك كەزدەسەتىن باعالى قۇستاردى جايلى مەكەنمەن قامدادى.

شينجياڭ ەلىمىزدەگى قۋاڭ وڭىردەگى سازدىق بايلىعى مول رايون رەتىندە، قازىر سازدىقتىڭ جالپى اۋدانى 4 ميلليون 221 مىڭ 600 گەكتار بولىپ، بۇكىل ەل بويىنشا 5 ـ ورىندى يەلەدى. ”ءۇش تاۋ، ەكى ويپاتقا“ تارالعان وسى سازدىق جۇيەسى ميلليونداعان جىل قۇستارىنىڭ ۇشىپ وتەتىن جولى بولىپ قانا قالماستان، وڭىرلىك ەكولوگيالىق تەپە - تەڭدىكتى ساقتاۋداعى شەشۋشى قالتقى سانالادى.

كەلۋ قاينارى: حالىق تورابى