سىرتقى ىستەر مينيسترلىگى: ينتەرنەت ارقىلى قۇمار ويناۋعا، تەلەكومنان پايدالانىپ الدامكوستىك ىستەۋگە باتىل سوققى بەرىپ، شەتەلدەگى جۇڭگو ازاماتتارىنىڭ حاۋىپسىزدىگى مەن زاڭدى ۇقىق - مۇددەسىن قورعايمىز 

شينحۋا اگەنتتىگىنىڭ تىلشىلەرى چىڭ شين، ساۋ جيايۋە 2 – ايدىڭ 5 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشى لين جيان 2 – ايدىڭ 5 – كۇنى كەزەكتى تىلشىلەر جينالىسىندا بىلاي دەدى: تاياۋدا تايلاند پەن بيرمانىڭ شەكاراسىنداعى وڭىردە تۋىلعان شەكارا اتتاپ تەلەكومنان پايدالانىپ الدامكوستىك ىستەۋگە ساياتىن قاتەرلى دەلولار جونىندە جۇڭگو جاق قاتىستى ەلدەرمەن بىرگە قىزمەت ورىستەتۋگە باسا ءمان بەرىپ جانە بۇل قىزمەتتى ءجيى ورىستەتىپ، بىرگە سوققى بەرۋ شارالارىن اقىلداستى. جۇڭگو قاتىستى ەلدەردىڭ پارمەندى شارا قولدانۋىن قولدايدى، تايلاند قاتارلى قاتىستى ەلدەرمەن بىرگە قۇلشىنىپ، زاڭ اتقارۋ جاعىنداعى سەلبەستىكتى كۇشەيتىپ، ينتەرنەت ارقىلى قۇمار ويناۋعا، تەلەكومنان پايدالانىپ الدامكوستىك ىستەۋگە باتىل سوققى بەرىپ، شەتەلدەگى جۇڭگو ازاماتتارىنىڭ حاۋىپسىزدىگى مەن زاڭدى ۇقىق ـ مۇددەسىن قورعاۋدى، جۇڭگو مەن قاتىستى ەلدەردىڭ ادامدارىنىڭ قالىپتى بارىس ـ كەلىس جاساۋ ءتارتىبىن قورعاۋدى قالايدى.

كەلۋ قاينارى: حالىق تورابى