شينجياڭ باس جۇمىسشى ۇيىمى 2025 - جىلى حالىق تۇرمىسىنا قاتىستى 10 ءتۇرلى ناقتى ءىستى تياناقتاندىرادى 

تيانشان تورابى – شينجياڭ گازەتىنىڭ ءتىلشىسى گو ليڭ حابارلايدى. ۇستىرتتە مىندەت وتەۋشىلەرگە ارنالعان وتتەگىمەن قامداۋ ۇيىنەن 100 ءۇيدى سالۋ، مەرەكەلەردە جۇمىسشى ـ قىزمەتكەرلەرگە حال سۇراۋ بۇيىمدارىن تاراتۋ ولشەمىن جوعارىلاتۋ، جۇمىسشىلار مادەنيەت سارايىنان 20 سارايدى جاڭادان سالۋ، وزگەرتىپ سالۋ، كەڭەيتىپ سالۋ... شينجياڭ باس جۇمىسشى ۇيىمى 2025 ـ جىلى حالىق تۇرمىسىنا قاتىستى 10 ءتۇرلى ناقتى ءىستى تياناقتاندىرادى.

ءتىلشىنىڭ 2 - ايدىڭ 7 - كۇنى ۇعىسۋىنشا، شينجياڭ باس جۇمىسشى ۇيىمىنىڭ 2025 - جىلعى قىزمەتىندەگى ماڭىزدى تۇيىندەر مىنالاردى قامتيدى: جۇمىسشى ۇيىمىنىڭ ۇقىق قورعاۋ جاعىندا قىزمەت وتەۋ سىندى نەگىزگى قىزمەتتىك جاۋاپكەرشىلىگىن ارقاۋ ەتىپ، جوعارى ساپالى، جاراسىمدى ەڭبەك قاتىناسىن ورناتۋ سياقتى 6 ءتۇرلى نىسانالىق مىندەتتى ورىنداۋ؛ «+12351» جۇمىسشى - قىزمەتكەرلەردىڭ ۇقىعىن قورعاۋ جاعىندا قىزمەت وتەۋ قاتارلى 10 ءتۇرلى قىزمەت شاراسى مەن حالىق تۇرمىسىنا قاتىستى 10 ءتۇرلى ناقتى ءىستى ىشكەرىلەي، ەگجەي - تەگجەيلى ىستەۋ.

حالىق تۇرمىسىنا قاتىستى بۇل 10 ءتۇرلى ناقتى ءىس مىنالاردى قامتيدى: شەكاراداعى ءبىرىنشى شەپتەگى مىندەت وتەۋشىلەرگە باعىتتاي وتىرىپ، ۇستىرتتە مىندەت وتەۋشىلەرگە ارنالعان وتتەگىمەن قامداۋ ۇيىنەن 100 ءۇيدى سالۋ؛ «جۇمىسشى - قىزمەتكەرلەردىڭ تىنىعۋ - دەمالۋ ىستەرىن باسقارۋ قىزمەتىن كۇشەيتۋ جونىندەگى پىكىردى» شىعارۋ، ءار جىلى سول ءىس ورنىنداعى جۇمىسشى - قىزمەتكەرلەر جالپى سانىنىڭ %20 ىنەن كەم بولمايتىن سانداعى قىزمەتكەرلەردى ۇيىمداستىرىپ، شينجياڭدى نەگىز ەتە وتىرىپ، 6 كۇننەن اسپايتىن تىنىعۋ - دەمالۋ قيمىلىن ورىستەتۋگە بولادى؛ 2025 – جىلى 1 – ايدىڭ 1 – كۇنىنەن باستاپ، مەرەكەلەردە جۇمىسشى – قىزمەتكەرلەرگە حال سۇراۋ بۇيىمدارىن تاراتۋ ولشەمىندەگى ءاربىر مۇشەگە تاراتىلاتىن جىلدىق جالپى سوما 1500 يۋاننان اسپايدى دەگەن ولشەمدى 2000 يۋاننان اسپايدى دەگەن ولشەمگە وزگەرتۋ؛ جاڭا جۇمىستانۋ فورماتسياسىنداعى 10 مىڭ ايەل ەڭبەكشىگە جانە تومەن كىرىستى ايەل جۇمىسشى ـ قىزمەتكەرلەرگە باعىتتاي وتىرىپ، ”ەكى ءتۇرلى راكتى“ سارالاپ تەكسەرۋدى ورىستەتۋ، جاڭا جۇمىستانۋ فورماتسياسىنداعى 4000 ەڭبەكشىگە باعىتتاي وتىرىپ جىلجىمالى دەنساۋلىق تەكسەرۋ قىزمەتىن ورىستەتۋ، جاڭا جۇمىستانۋ فورماتسياسىنداعى 100 مىڭ ەڭبەكشىگە كەزدەيسوق زاقىمدالۋدان قامسىزداندىرۋدى ءبىتىرىپ بەرۋ؛ ءبىرىنشى شەپتەگى جۇمىسشى – قىزمەتكەرلەرگە ارنالعان جۇمىسشىلار مادەنيەت سارايىنان 20 سارايدى جاڭادان سالۋ، وزگەرتىپ سالۋ، كەڭەيتىپ سالۋ؛ 20 ميلليون يۋان قارجى قوسىپ، شارتقا ۇيلەسەتىن ءبىرىنشى شەپتەگى ونەركاسىپ جۇمىسشىلارىنا (اسىرەسە، ديقان جۇمىسكەرلەر، جاڭا جۇمىستانۋ فورماتسياسىنداعى ەڭبەكشىلەر ت.ب.) باعىتتاي وتىرىپ، ”ءبىلىم الىپ، ارمانىنا جەتۋ ارەكەتىن“ اتقارىپ، ولشەم بويىنشا وقۋ قاراجاتىنا قاتىستى قوسىمشا قاراجات بەرۋ ءارى باستاپقى دارەجەلى جانە ودان جوعارى دارەجەلى كاسىپتىك تولىمدىلىق كۋالىگىن نەمەسە كاسىپتىك ونەر دارەجە كۋالىگىن العان تەحنيك جۇمىسشىلاردى قارجىلاي سيلاپ، ونەركاسىپ جۇمىسشىلارىنىڭ قابىلەتىن جوعارىلاتۋىنا دەم بەرۋ؛ شينجياڭدىق شەبەرلەردى جەتىلدىرۋ وبيەكتىلەرىن چيڭحۋا داشۋەسى قاتارلى ەل ىشىندەگى ايگىلى مەكتەپتەرگە بارىپ جاڭالىق اشۋ كۋرستارىنا قاتىناسۋعا ۇيىمداستىرۋ؛ بۇكىل اۆتونوميالى رايونداعى عىلمي زەرتتەۋ ورىندارى قاتارلىلارعا باعىتتاي وتىرىپ، 50 ”جۇمىسشى ۇيىمى ءۇيىن“ جاڭادان سالۋ، ءتۇرلى ونەركاسىپتى كوركەيتۋ رايوندارىنا (ەكونوميكالىق باقشا رايوندارىنا) باعىتتاي وتىرىپ، جاڭادان 100 ”جۇمىسشى ـ قىزمەتكەرلەر ءۇيىن“سالۋ؛ بۇكىل اۆتونوميالى رايونداعى ەمحانالاردىڭ ەمدەۋ قىزمەتكەرلەرىنە باعىتتاي وتىرىپ، 1000 دەمالىس ءۇيىن سالۋ قاتارلىلار.

كەلۋ قاينارى: حالىق تورابى