سىرتقى ىستەر مينيسترلىگى ا ق ش – نىڭ جۇڭگونىڭ ونىمدەرىنەن الىناتىن باجىنى ۇستەمەلەگەنى جونىندە قايتالاي جاۋاپ قايتاردى 

2 – ايدىڭ 5 – كۇنى، سىرتقى ىستەر مينيسترلىگىنىڭ مالىمدەمەشىسى لين جيان كەزەكتى تىلشىلەردى قابىلداۋ ءماجىلىسىن باسقارىپ اشتى.

ءبىر ءتىلشى بىلاي دەپ سۇرادى: جۇڭگونىڭ ەسىرتكىگە قاتىستى ونىمدەردى زاڭسىز ەكسپورت ەتۋگە سوققى بەرۋ جاعىندا اناعۇرلىم زور مۇمكىنشىلىگى بار ما؟ جۇڭگو ا ق ش – نىڭ فەنتانيلگە قاتىستى داعدارىسىن شەشىم ەتۋگە اناعۇرلىم كوپ شارالاردى قولدانا الا ما؟

لين جيان مىنانى ءبىلدىردى: جۇڭگو — دۇنيە ءجۇزى بويىنشا ەسىرتكىگە تيىم سالۋ ساياساتى ەڭ قاتاڭ، ساياساتتى ەڭ دايەكتى اتقاراتىن مەملەكەت. جۋىرداعى جىلداردان بەرى، جۇڭگو جاق ا ق ش جاقپەن بىرگە ەسىرتكىگە تيىم سالۋ جاعىندا اناعۇرلىم كوپ ناقتى سەلبەستىكتەردى ورىستەتىپ، زاتتاردى باسقارىلاتىن كولەمگە ەنگىزۋ، اقپار اۋىستىرۋ، جەكە دەلولاردا سەلبەستىك جاساۋ، ينتەرنەتتەگى جارنامالاردى الاستاۋ، ەسىرتكىنى تەكسەرۋ تەحنيكاسى تۋرالى اۋىس – كۇيىس جاساۋ، كوپ جاقتى قارىم – قاتىناس قاتارلى جاقتاردا كوزگە كورىنەرلىك كوپتەگەن ىلگەرىلەۋشىلىكتەرگە قول جەتكىزدى، مۇنىڭ ونىمدىلىگى جۇرتقا ءمالىم.

ا ق ش جاقتىڭ جۇڭگونىڭ ا ق ش – نا ەكسپورت ەتەتىن ونىمدەرىنەن الىناتىن كەدەن باجىسىن %10 ۇستەمەلەۋىنە جۇڭگو جاق قاتاڭ نارازىلىق ءبىلدىرىپ، باتىل قارسى تۇردى ءارى قاجەتتى شارالاردى قولدانىپ، ءوزىنىڭ ورىندى ۇقىق – مۇددەسىن قورعادى. جاۋاپكەرشىلىكتەن قاشقالاقتاۋ ماسەلەنى شەشىمى ەتە المايدى، ”ساۋدا قاقتىعىسى، كەدەن باجىسى قاقتىعىسى“ بارىسىندا ەشكىم دە جەڭىسكە جەتە المايدى، قىسىم كورسەتۋ مەن قوقانلوقى جاساۋ جۇڭگومەن قارىم – قاتىناس جاساۋداعى دۇرىس ءتاسىل ەمەس، ”ەل ىشىندەگى ەسىرتكىگە بولعان سۇرانىستى ازايتىپ، زاڭ اتقارۋ جاعىندا سەلبەستىك جاساۋ“ عانا ا ق ش – نىڭ فەنتانيلگە قاتىستى داعدارىسىن تۇبەگەيلى شەشىم ەتەتىن شارا. جۇڭگو جاق ءوزىنىڭ ۇيلەسىمدى ۇقىق – مۇددەسىن باتىل قورعايدى.

كەلۋ قاينارى: حالىق تورابى