ازيا قىسقى سپورت جارىسىندا شينجياڭنىڭ التايىنان كەلگەن ەكى بويجەتكەننىڭ بىرەۋى التىن مەدالدى، بىرەۋى كۇمىس مەدالدى قانجىعالادى

2 – ايدىڭ 9 – كۇنى، حاربين ازيا قىسقى سپورت جارىسىنىڭ دالالىق قار شاڭعى جارىس الاڭىنان تاعى ءبىر جاعىمدى جاڭالىق جەتتى: جۇڭگونىڭ دالالىق قار شاڭعى سپورتشىسى بايان جالىن مەن دىلنىگار ىكرامجان جەكە ـ جەكە دالالىق شاڭعى ايەلدەردىڭ 5 كيلومەترلىك (ەركىن تەحنيكا) جارىسىندا اعا جۇلدەگەر جانە جۇلدەگەر بولدى، ولار شينجياڭنان كەلگەن. بۇل جۇڭگو ۋاكىلدەر ۇيىرمەسىنىڭ وسى كەزەكتى جارىستا العان 10 - التىن مەدالى.

بايان جالىن 1999-جىلى 12 – ايدىڭ 17 – كۇنى شينجياڭ التاي ايماعىنىڭ جەمەنەي اۋدانىندا دۇنيەگە كەلگەن. 2022 ـ جىلى 2 ـ ايدىڭ 12 ـ كۇنى بەيجيڭ قىسقى وليمپيادا سپورت جارىسىنىڭ دالالىق شاڭعى ايەلدەردىڭ 5 × 4 كيلومەترلىك كۇش جالعاۋ جارىسىندا، ول تۇرعان جۇڭگو كومانداسى 57 مينۋت 49 سەكۋند 7 تاقىلمەن 10 ـ ورىندى يەلەپ، قىسقى وليمپيادا سپورت جارىسىنىڭ تاريحتاعى ەڭ جاقسى ناتيجەسىن جاڭالادى. 2 – ايدىڭ 9 - كۇنى تۇستەن بۇرىن وتكىزىلگەن دالالىق شاڭعى ايەلدەردىڭ 5 كيلومەترلىك (ەركىن تەحنيكا) جارىسىندا ول 12 مينۋت 07 سەكۋند 5 تاقىلدىق ناتيجەمەن اعا جۇلدەگەر بولدى.

دىلنىگار ىكرامجان 2001 – جىلى 5 – ايدىڭ 3 - كۇنى شينجياڭ التاي ايماعىنىڭ التاي قالاسىندا دۇنيەگە كەلگەن. 2022 - جىلعى بەيجيڭ قىسقى وليمپيادا سپورت جارىسىنىڭ اشىلۋ سالتىندا دىلنىگار ىكرامجان مەن جاۋ جياۋىن جاس سپورتشىلاردىڭ ۋاكىلى رەتىندە نەگىزگى الاۋشى بولدى ءارى نەگىزگى الاۋدى تۇتاندىردى. 2 – ايدىڭ 9 - كۇنى تۇستەن بۇرىن وتكىزىلگەن دالالىق شاڭعى ايەلدەردىڭ 5 كيلومەترلىك (ەركىن تەحنيكا) جارىسىندا ول 12 مينۋت 11 سەكۋند 1 تاقىلدىق ناتيجەمەن جۇلدەگەر بولدى.

جۇڭگو كومانداسىنىڭ ساقا سپورتشىسى چى چۇنشۋە مەن جاس شەبەرى چىن ليڭشۋاڭ جەكە – جەكە ءۇشىنشى، ءتورتىنشى ورىندى يەلەدى.

كەلۋ قاينارى: حالىق تورابى