وسى اپتادا بۇكىل شينجياڭنىڭ باسىم كوپ بولەگىنىڭ تەمپەراتۋراسى تولقىمالى جوعارىلايدى

2 – ايدىڭ 11 – كۇنى تۇننەن 12 – كۇنى كۇندىزگە دەيىن، 2 – ايدىڭ 15 – كۇنى كۇندىزدەن 16 – كۇنى كۇندىزگە دەيىن، تارباعاتاي ايماعىنىڭ سولتۇستىگى، التاي ايماعىنىڭ باتىس بولەگى، ءۇرىمجى قالاسىنىڭ وڭتۇستىك ماڭىنان دابانچىڭعا دەيىنگى ءوڭىر قاتارلى جەرلەردىڭ ءىشىنارا وڭىرلەرىندە قيىس شىعىستان 4 تە 5 بال جەل سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى سياقتى جەل وتتەرىندە 8 بال بوران سوعادى، ءىشىنارا جەرلەردە قارلى بوران سوعادى. تيانشاننىڭ سولتۇستىك بوكتەرىندەگى ءىشىنارا وڭىرلەردە جالعاستى تۇمان تۇسەدى نەمەسە قار جاۋادى.

2 – ايدىڭ 12 – كۇنى تۇننەن 14 – كۇنى كۇندىزگە دەيىن، سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايون، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ءىشىنارا وڭىرلەرىندە قار جاۋادى، مۇنىڭ ىشىندە ىلە اڭعارىنىڭ ءىشىنارا وڭىرلەرىندە ورتاشادان باستاپ قالىڭ قارعا دەيىن جاۋادى، جوعارىدا ايتىلعان ءىشىنارا وڭىرلەر مەن شىعىس شينجياڭدا باتىس سولتۇستىكتەن 5 بال اينالاسىندا جەل سوعادى، جەل وتتەرىندەگى جەل كۇشى 10 بال اينالاسىندا بولادى، ءىشىنارا جەرلەردە بوران سوعىپ، قار جاۋادى.

الداعى ءبىر اپتانىڭ ىشىندە باسقا ۋاقىتتا، بۇكىل شينجياڭنىڭ باسىم كوپ ساندى رايوندارىندا نەگىزىنەن كۇن اشىق نەمەسە بۇلتتى بولادى، جەل كۇشى زور بولمايدى.

شينجياڭ اۋا رايى ستانسياسى مىنانى ەسكەرتتى: وسى اپتادا قار جاۋۋ، تۇمان ءتۇسۋ، بوران سوعۋ جانە ءىشىنارا جەرلەردەگى قاردىڭ قاتىناس، ساياحات، قۇرىلعىلى اۋىل شارۋاشىلىعى سياقتىلارعا جاسايتىن ءتيىمسىز ىقپالىنان جالعاستى ساقتانۋ كەرەك. بۇدان سىرت، تاياۋدان بەرى اۋا تەمپەراتۋراسىنىڭ جىلىنۋىن، قاسات قاردىڭ مۇز سۇڭگىگە اينالۋىن ءتۇيىندى تۇردە ەسكەرىپ، جۇرتشىلىقتىڭ جول جۇرگەندە ءۇي دودەگەسى، ءزاۋلىم قۇرىلىستار، ۋاقىتتىق سالىنعان دۇنيەلەر، ۇلكەن اعاشتار، كوپىر استى، ەلەكتر باعاناسى سياقتى حاۋىپ - قاتەرلى جەرلەردەن وتكەندە ابايلاۋىن نەمەسە اينالىپ ءوتۋىن، مۇزدىڭ ەرىپ ءتۇسىپ ادامدى زاقىمداۋىنان ساقتانۋدى ەسكەرتۋ كەرەك.

كەلۋ قاينارى: حالىق تورابى