جۇڭگو ـ قازاقستان كاسىپكەرلەرىنىڭ ەكونوميكا ـ ساۋدا كەڭەسى قازاقستاندا وتكىزىلدى

حالىق گازەتىنىڭ ءتىلشىسى لي چياڭ 2- ايدىڭ 12 – كۇنى استانادان حابارلايدى. جۇڭگو - قازاقستان كاسىپكەرلەرىنىڭ ەكونوميكا - ساۋدا كەڭەسى 2 – ايدىڭ 11 – كۇنى استانادا وتكىزىلدى، جۇڭگو - قازاقستان ونەركاسىپ - ساۋدا سالاسىنىڭ ۋاكىلدەرى مۇناي - تابيعي گاز ساۋداسى، تازا ەنەرگيا، اۋىل شارۋاشىلىعى سەلبەستىگى، حالىقارالىق زات اينالىمى قاتارلى ءتۇيىندى سەلبەسەتىن سالالاردى توڭىرەكتەي وتىرىپ، ىشكەرىلەي تالقى ورىستەتتى. ەكى جاق كاسىپكەرلەرىنىڭ ۋاكىلدەرى جۇڭگو مەن قازاقستاننىڭ ەنەرگيا سالاسىنداعى ستراتەگيالىق سەلبەستىك كەلىسىمشارتى، جۇڭگو مەن قازاقستاننىڭ اۋىل شارۋاشىلىق ونىمدەرىن يمپورت ـ ەكسپورت ەتۋ كەلىسىمشارتى قاتارلى 8 ءتۇرلى سەلبەستىك كەلىسىمشارتىنا قول قويدى.

جۇڭگو ساۋدانى ىلگەرىلەتۋ قوعامىنىڭ باستىعى رىن حۇڭبين مىنانى ءبىلدىردى: وسى رەت جۇڭگو كاسىپورىندارىن قازاقستانعا ساپارلاي بارىپ، ەكونوميكا ـ ساۋدا كەڭەسىن ورىستەتۋگە ۇيىمداستىرۋ — ەكى ەل باسشىلارىنىڭ ماڭىزدى ورتاق تانىمىن تياناقتاندىرۋداعى ءىس جۇزىندىك ارەكەت، سونداي ـ اق، ەكى ەلدىڭ ونەركاسىپ ـ ساۋدا سالاسىنىڭ سەلبەستىگىن ىلگەرىلەتۋدەگى ناقتى شارا. قازىر جۇڭگو جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى ىلگەرىلەتىپ، جوعارى دەڭگەيدەگى سىرتقا ەسىك اشۋدى ۇزدىكسىز كەڭەيتۋدە. جۇڭگو ساۋدانى ىلگەرىلەتۋ قوعامى قازاقستانمەن بىرگە ”ءبىر بەلدەۋ، ءبىر جولدى“ جوعارى ساپالى كوركەيتۋدى جەتەكشى ەتىپ، بيىل قازاقستاندا وتكىزىلەتىن جۇڭگو ـ ورتا ازيا كاسىپكەرلەر كوميتەتىنىڭ ءماجىلىسى مەن جۇڭگودا وتكىزىلەتىن شاڭحاي سەلبەستىك ۇيىمىنىڭ ونەركاسىپ ـ ساۋدا تالقى مىنبەرى قاتارلى جەلىلەس قيمىلدارعا بىرگە دايىندالىپ، ەكى جاق كاسىپورىندارىنىڭ ساۋدا، قارجى قوسۋ جانە كاسىپ سالاسىنداعى تىزبەگى مەن قامداۋ تىزبەگى جاعىنداعى سەلبەستىگىن كۇشەيتۋىن ىلگەرىلەتىپ، دۇنيە جۇزىلىك ەكونوميكا ـ ساۋدانىڭ دامۋىنداعى ورنىقسىز فاكتورلارعا بىرگە توتەپ بەرۋدى، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قارىم - قاتىناسىن ونان ارى بەكەمدەۋدى قالايدى.

قازاقستاننىڭ ”اتا مەكەن“ مەملەكەتتىك كاسىپكەرلەر بىرلەستىگىنىڭ ءتوراعاسى باتالوۆ مىنانى ءبىلدىردى: قازاقستان — ”ءبىر بەلدەۋ، ءبىر جولدى“ بىرگە كوركەيتۋ جاعىنداعى سەنىمدى سەرىكتەس جانە ماڭىزدى قاتىناسۋشى. ”اتا مەكەن“ مەملەكەتتىك كاسىپكەرلەر بىرلەستىگى جۇڭگونى قامتىعان شەتەلدىك قارجىگەرلەرگە تاماشا ساۋدا – تيجارات ورتاسىن جاراتۋعا قۇلشىنادى. ”اتا مەكەن“ مەملەكەتتىك كاسىپكەرلەر بىرلەستىگى قازاقستانداعى كاسىپورىنداردى جۇڭگو 2 – كەزەكتى حالىقارالىق قامداۋ تىزبەگىن ىلگەرىلەتۋ كورمەسىنە قاتىناسۋعا ۇيىمداستىرۋ جاعىندا زور ناتيجەگە جەتتى، كاسىپكەرلەر مەن جەرگىلىكتى ۇكىمەت ورىندارىن جۇڭگو 3 – كەزەكتى حالىقارالىق قامداۋ تىزبەگىن ىلگەرىلەتۋ كورمەسىنە قاتىناسۋعا بەلسەندى ۇيىمداستىرىپ، جۇڭگو ساۋدانى ىلگەرىلەتۋ قوعامىمەن تىزە قوسا وتىرىپ، ەكى ەلدىڭ ونەركاسىپ – ساۋدا سالاسىنداعىلاردىڭ سەلبەستىگىن ىلگەرىلەتۋىنە اناعۇرلىم كوپ تەكشە ازىرلەيدى.

جۇڭگونىڭ قازاقستانداعى باس ەلشىسى حان چۇنلين بىلاي دەدى: ديپلوماتيالىق قاتىناس ورناتقان 30 نەشە جىلدان بەرى، جۇڭگو ـ قازاقستان قاتىناسى قارىشتاپ دامىپ، حالىقارادا تاتۋ كورشىلىك، دوستىق سەلبەستىكتىڭ ۇلگىسىن ورناتتى. جۋىرداعى جىلداردان بەرى، ەكى ەلدىڭ ەكونوميكا ـ ساۋدا جاعىنداعى ناقتى سەلبەستىگى ”تەز دامۋ ارناسىنا“ قادام تاستادى، جۇڭگو قازاقستاننىڭ باستى ساۋدا سەرىگى ورنىن ساقتاپ، قازاقستانعا قوسىلاتىن قارجىنىڭ ماڭىزدى كەلۋ قاينارى بولدى. جۇڭگو قازاقستانمەن بىرگە قۇلشىنىپ، ەكى ەل كاسىپورىندارىنىڭ ەنەرگيا، كەن بايلىعى ساۋداسىنىڭ ”نەگىزگى ارناسىن“ كەڭەيتۋىن ىلگەرىلەتىپ، جاڭا ەنەرگيا، اۋىل شارۋاشىلىق ونىمدەرى قاتارلى جاڭا ارتۋ تۇيىندەرىن اشىپ، شەكارا اتتاعان ەلەكتروندىق ساۋدا، سيفرلى ەكونوميكا قاتارلى جاڭاشا كاسىپ فورماتسيالارىن جەتىلدىرىپ، قىزمەت وتەۋ ساۋداسىنىڭ دامۋىن جەبەپ، ەكى ەل بەلگىلەگەن ساۋدا سوماسىن ەسەلەپ ارتتىرۋ نىساناسىن ەرتەرەك جۇزەگە اسىرۋدى قالايدى.

كەلۋ قاينارى: حالىق تورابى