جۇڭگو تۇتىنۋشىلار قوعامى ”ەكى قۋىرماشتىڭ باعاسى 844 يۋان“ دەپ بەلگىلەۋ تۇتىنۋشىلاردىڭ مۇددەسىنە زيان جەتكىزەتىنىن اتاپ كورسەتتى 

شينحۋا اگەنتتىگىنىڭ ءتىلشىسى جاۋ ۋىنجۇن 2 – ايدىڭ 11 – كۇنى بەيجيڭنەن حابارلايدى. جۇڭگو تۇتىنۋشىلار قوعامى 2 - ايدىڭ 11 - كۇنى 2025 - جىلعى كوكتەم مەرەكەسى مەزگىلىندە تۇتىنۋشىلاردىڭ ۇقىعىن قورعاۋ جاعدايىنا تالداۋ جاساۋ مالىمەتىن جاريالادى، اس - سۋ سالاسىنداعى تۇتىنۋ، مادەنيەت جانە كوڭىل اشۋ، ينتەرنەت ارقىلى زات ساتىپ الۋ، مادەنيەت - ساياحات جاعىنداعى ءجۇرىس - تۇرىس قاتارلى جاقتارداعى ۇقىقتى قورعاۋعا ساياتىن سۇرانىستار ءبىرشاما شوعىرلى بولعان.

جۇڭگو تۇتىنۋشىلار قوعامىنىڭ قاتىستى جاۋاپتىسى مىنانى ءبىلدىردى: جاڭجياجيە «اتا مەكەن» قوناق ءۇيى تاكسي شوفەرلەرىمەن بىرلەسىپ قوناقتاردى وزىنە تارتقان، ەكى قۋىرماشقا 844 يۋان باعا قويىپ، قۋىرماشتىڭ باعاسى بازارداعى باعانىڭ ورتاشا دەڭگەيىنەن الدەقايدا جوعارى بولعان. مۇنداي باعا بەلگىلەۋ ىستەرى تۇتىنۋشىلاردىڭ ەكونوميكالىق مۇددەسىنە زيان جەتكىزىپ قالماستان، ءادىل باسەكەلى بازار ورتاسىن دا بۇلدىرەدى. مەرەكە مەزگىلىندە زات باعاسىنىڭ قىمباتتاۋى قامداۋ مەن قاجەتسىنۋ اراسىنداعى قايشىلىقتان تۋىندايتىن قالىپتى قۇبىلىس، ءبىراق باعانى ءوسىرۋ ۇيلەسىمدى كولەمدە بولۋى كەرەك.

كەيبىر كينوحانالار ادام جۇرەتىن جولعا ورىندىق ورنالاستىرعان، كەيبىر كينوحانا كورەرمەندەردى باسپالداققا وتىرعىزعان، كينوحانالاردىڭ بەلەتتى مولشەردەن ارتىق ساتۋى كورەرمەندەردىڭ كينونى تاماشالاۋىنا ىقپال جەتكىزگەن، بەلەت باعاسىنىڭ قاۋىرت جوعارىلاۋى مەن قاجەتتى قىزمەت وتەۋ قۇرىلعىلارىنىڭ ازايۋى اراسىندا كەرى پارىق قالىپتاسىپ، تۇتىنۋشىلاردىڭ كومەسكى ۇقىق - مۇددەسى زيانعا ۇشىراعان، ويىن - ساۋىق، ساياحات قاتارلى سالالاردا قىزمەت وتەۋ ساپاسىنىڭ ولشەمى مەن قاتىستى باسقارۋ شارالارى كەمشىل بولعان.

جۇڭگو تۇتىنۋشىلار بىرلەستىگى مىناداي ۇسىنىس ءبىلدىردى: جەر – جەردەگى قاتىستى تاراۋلار تۇتىنۋشىلارعا ەسكەرتۋ جاريالاعان كەزدە، جەكەلىك مەديالارداعى اكىمشىلىك ىستەر تەكشەلەرى ارقىلى ”تۇتىنۋ جاعىنداعى حاۋىپ - قاتەر كارتاسىن“ جاريالاۋى، كورىنىس وڭىرلەرىندەگى ادام سانى، اس – سۋ سالاسىنداعى ارىز – شاعىم كوپ تۇسەتىن وڭىرلەر قاتارلى ينفورماتسيالاردى دەر كەزىندە جاڭالاعانى ابزال. ءار سالاداعى كاسىپورىنداردى باعانىڭ قىمباتتاۋ مولشەرىنىڭ جوعارى شەگى قاتارلىلاردى اشىق جاريالاۋعا، تيجارات تۇلعالارىن باعانى اشىق جاريالاۋدى شىنايى ويداعىداي ورىنداپ، تۇتىنۋشىلاردىڭ باعانىڭ تولقۋىنان حاباردار بولۋىنا كەپىلدىك ەتىپ، قايشىلىقتار مەن داۋ ـ شارلاردى ازايتۋعا قۋزايدى.

كەلۋ قاينارى: حالىق تورابى