ەڭ جوعارى حالىق پروكۋراتۋراسى: ەرەكشە شەكتەن اسقان قىلمىستى زاڭ بويىنشا قاتاڭ، تەز جازالاۋ كەرەك

ەڭ جوعارى حالىق پروكۋراتۋراسى ءىرى قىلمىستاردى تەكسەرۋ مەڭگەرمەسىنىڭ باستىعى يۋان ميڭ 2 – ايدىڭ 11 – كۇنى تىلشىلىكتى قابىلداعاندا بىلاي دەپ تانىستىردى: وتكەن ءبىر جىلدا ەڭ جوعارى حالىق پروكۋراتۋراسى ءىرى قىلمىستاردى تەكسەرۋ مەڭگەرمەسى ەرەكشە شەكتەن اسقان قىلمىستى زاڭ بويىنشا اۋىر، قاتاڭ، تەز جازالاپ، گۋاڭدۇڭنىڭ جۋحاي قالاسىندا تۋىلعان فان ۋيچيۋدىڭ اۆتوكولىكپەن جۇرگىنشىلەردى سوعۋ دەلوسى، جياڭسۋدىڭ يشيڭ قالاسىنداعى شۇي جياجيننىڭ پىشاق الىپ قانقۇيلىلىق ىستەۋ دەلوسى قاتارلى ءىرى دەلولاردى دەرەۋ ماڭدايشالىق اسىپ قۋزاپ، ادام جىبەرىپ جەتەكشىلىك ەتتى. زاڭدا بەلگىلەنگەن شەكتى مەرزىم ىشىندە ارىز - شاعىم اياق الىسىن تەزدەتىپ، دەلونى زاڭ بويىنشا قاتاڭ، تەز ءبىر جاقتى ەتىپ، قىلمىستى پارمەندى سەسكەندىرىپ، قوعام نازار اۋدارىپ وتىرعان ماسەلەلەرگە دەر كەزىندە جاۋاپ قايتاردى. سونىمەن بىرگە، جەكە دەلولاردى قورىتىندىلاۋ جانە ءتۇرلى دەلولارعا تالداۋ جاساۋ مەحانيزمىن اقاۋسىزداندىرىپ، سوڭعى جىلداردان بەرى تۋىلعان كوپتەگەن اۋىر قىلمىستىق دەلولارعا قايىرىلا تالداۋ جاساپ، دەلونىڭ استارىنداعى تەرەڭ قاتپارلى سەبەپتەردى ىشكەرىلەي اشىپ، ساقتانۋ جانە وڭاۋ شارالارىن زەرتتەپ، قوعامدىق جونگە سالۋ قىزمەتىنە بەلسەنە ات سالىستى.

يۋان ميڭ بىلاي دەپ تانىستىردى: ەڭ جوعارى حالىق پروكۋراتۋراسى ءىرى قىلمىستاردى تەكسەرۋ مەڭگەرمەسى مىلتىق، قوپارىلىس جاساۋ سىندى زاڭعا قايشى قىلمىستىق ارەكەتتەرگە سوققى بەرۋ، جونگە سالۋ ارناۋلى قيمىلىنا بەلسەنە ات سالىسىپ، پروكۋراتۋرا ورگاندارىنىڭ مىلتىق، قوپارىلىسقا ساياتىن قىلمىس دەلولارىن ءبىر جاقتى ەتۋىنە قاتىستى جاعدايلارعا تالداۋ جۇرگىزىپ، تۇجىرىم جاسادى؛ ەسىرتكى قىلمىسىنا سوققى بەرۋدىڭ تەگەۋرىندى كۇيىن باستان ـ اياق ساقتادى؛ حىنان ولكەسى فاڭچىڭ اۋدانى يىڭساي مەكتەبىندەگى ءورت اپاتى شىرعالاڭى دەلوسى سياقتى ءبىر توپ ءىرى، سەزىمتال دەلولاردى ماڭدايشالىق اسىپ باقىلاپ، دەلونىڭ زاڭ بويىنشا ورنىقتى ءبىر جاقتى ەتىلۋىنە كەپىلدىك ەتتى؛ ءوندىرىس حاۋىپسىزدىگى سالاسىنداعى «ءولىم - ءجىتىم شىرعالاڭىنا» دەلو تۇرعىزىپ باقىلاۋ قىزمەتىن ىشكەرىلەي ورىستەتىپ، ءوندىرىس حاۋىپسىزدىگى شىرعالاڭىن مالىمدەمەي جاسىرۋ، ولگەن ادام سانىن جالعان مالىمدەۋ، دەلونى جولداماۋ، دەلو تۇرعىزباۋ، جازانىڭ ورنىنا ايىپ سالۋ سياقتى ماسەلەلەردى كۇش سالا شەشتى.

كەلۋ قاينارى: حالىق تورابى