بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ەڭ جوعارى حالىق پروكۋراتۋراسى: جۇرتشىلىقتىڭ ماڭايىنداعى شىرىكتەسۋگە ساياتىن قىلمىس وتكىزگەندەر زاڭ بويىنشا جازالاندى 

2025.02.13 14:29     كەلۋ قاينارى : حالىق تورابى

نەگىزگى ساتىداعى، حالىق تۇرمىسىنا قاتىستى سالالارداعى شىرىكتەسۋ جۇرتشىلىقتىڭ ماڭايىنداعى شىرىكتەسۋ سانالادى، جۇرتشىلىق مۇنى ەڭ توتە ءارى ايقىن سەزىنەدى. ەڭ جوعارى حالىق پروكۋراتۋراسىنىڭ قىزمەتتىك قىلمىستارعا قاتىستى پروكۋراتۋرا مەڭگەرمەسىنىڭ باستىعى جاڭ شياۋجين 2 – ايدىڭ 12 – كۇنى سۇحباتتى قابىلداعاندا مىنانى ءبىلدىردى: پروكۋراتۋرا ورگاندارى جۇرتشىلىقتىڭ ماڭايىنداعى شىرىكتەسۋگە ساياتىن قىلمىستاردى زاڭ بويىنشا جازالاپ، جۇرتشىلىقتىڭ تابىس سەزىمىن ارتتىرعان. مىسالى، باقىلاۋ تاراۋلارىمەن سايكەسىپ، ەمدەۋ جانە ءدارى – دارمەك سالاسىنداعى بىلىققان جاعدايدى ىشكەرىلەي جونگە سالعان، ەمدەۋ سالاسىنداعى قىزمەتتىك تيىمدىلىكتەن پايدالانىپ مۇددەسىن كۇيتتەۋ، ەمدەۋدى قامسىزداندىرۋ قاراجاتىنان الداپ قاراجات الۋ قاتارلى شىرىكتەسۋگە ساياتىن قىلمىستاردى زاڭ بويىنشا جازالاپ، ”ەمدەلۋدىڭ قيىن بولۋى“ ”ەمدەلۋدىڭ قىمبات بولۋى“ قاتارلى ماسەلەلەردى شەشىم ەتۋدى ىلگەرىلەتكەن. 2024 – جىلى 1 – ايدان 11 – ايعا دەيىن، ەمدەۋ سالاسىنداعى قىزمەتتىك قىلمىس وتكىزگەندەردەن 1800 دەن استام ادامنىڭ ۇستىنەن شاعىم ايتقان.

جاڭ شياۋجيننىڭ تانىستىرۋىنشا، استىق ساتىپ الۋ – ساتۋ سالاسىنداعى شىرىكتەسۋگە ساياتىن ماسەلەلەردى جونگە سالۋ ناتيجەسىن بەكەمدەۋ ءۇشىن، پروكۋراتۋرا ورگاندارى ەڭ جوعارى حالىق پروكۋراتۋراسىنىڭ مەملەكەتتىك استىق جانە زاتتاردى زاپاس ساقتاۋ مەكەمەسى مەن جۇڭگو استىق ساقتاۋ سەرىكتەستىگىنە جولداعان 9 – ءنومىرلى، 10 – ءنومىرلى پروكۋراتۋرالىق ۇسىنىستارىن وكشەلەي تياناقتاندىرۋ قىزمەتىن ۇزدىكسىز مىقتى ۇستاعان. حىبەي ولكەلىك پروكۋراتۋرا ورگاندارى استىق سالاسىنداعى ءمالىم كاسىپورىننىڭ پارتكومىنىڭ بۇرىنعى شۋجيى، القالار باستىعى جاڭ XX قاتارلى مەملەكەت مەنشىگىندەگى كاسىپورىندارداعى ءۇش ادامنىڭ قىزمەت ۇقىعىنان الباتى پايدالانۋ، شىرىكتەسۋ، پارا الۋ دەلوسىنا ساياتىن قاراجات سوماسى 100 ميلليون يۋاننان اسقان، پروكۋراتۋرا ورگاندارى قىزمەتى جوعارى ساپالى، ءونىمدى ورىستەتىپ، دەلوعا قاتىستى مال – مۇلىكتى ءبىرجاقتى ەتۋدى بەلسەندى ىلگەرىلەتىپ، دەلوعا قاتىستى 29 ميلليون يۋاننان استام قاراجاتتىڭ زيانعا ۇشىراعان ورىنعا قايتارىلۋىن ىلگەرىلەتكەن. سونىمەن بىرگە، دەلودا اشكەرەلەنگەن ماسەلەلەرگە باعىتتاي وتىرىپ، قىزمەتتى جاقسارتۋ، جونگە سالۋدى كەمەلدەندىرۋ جاعىنداعى پروكۋراتۋرالىق ۇسىنىستاردى دايىنداپ جولداعان، دەلوعا قاتىستى ورىندار مۇقيات جونگە سالىپ تياناقتاندىرعان. (ءتىلشى ليۋ شو، شيڭ تو)

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى