شينجياڭ قازىناسى 2025 ـ جىلعى ورتالىقتىڭ سۋ يگىلىگىن دامىتۋ قارجىسىنان ءبىر ميلليارد 43 ميلليون يۋان ءبولدى

ءتىلشىنىڭ شينجياڭ ۇيعۇر اۆتونوميالى رايوندىق قازىنا مەڭگەرمەسىنەن ۇعىسۋىنشا، تاياۋدا شينجياڭ ۇيعۇر اۆتونوميالى رايوندىق قازىنا مەڭگەرمەسى ءارقايسى ايماققا (وبلىس، قالا) ورتالىقتىڭ 2025 ـ جىلعى سۋ يگىلىگىن دامىتۋ قارجىسى مەجە ەسەبىنەن ءبىر ميلليارد 43 ميلليون يۋان تۇسىرگەن، بۇل قارجى نەگىزىنەن ورتاشا، شاعىن وزەن اعارلارىن جونگە سالۋ، سەل اپاتىنان ساقتانۋ جانە ونى جونگە سالۋ سياقتى كوپتەگەن قىزمەتتەرگە جۇمسالادى.

مۇنىڭ ىشىندە ورتاشا، شاعىن وزەندەردى جونگە سالۋعا 446 ميلليون 390 مىڭ يۋان قارجى ورنالاستىرىلىپ، بۇكىل شينجياڭداعى 27 ورتاشا، شاعىن وزەندەردى جونگە سالۋ نىسانىنا قولداۋ كورسەتىلىپ، 210.23 كيلومەتر وزەن ارناسى جونگە سالىنادى؛ تاسقىن اپاتىنان ساقتانۋ جانە ونى جونگە سالۋعا 59 ميلليون 320 مىڭ يۋان قارجى ورنالاستىرىلىپ، تاسقىن اپاتىنىڭ سۋ ‐ جاۋىن - شاشىن جاعدايىن اۆتوماتتى باقىلاۋ - تەكسەرۋ پۋنكتىن تولىقتاپ قۇرۋ، توپتىق ولشەۋ، توپتىق ساقتانۋ جۇيەسى قۇرىلىسىن اتقارۋ، ءتۇيىندى ورتا تۇرپاتتى سۋ قويمالارىنىڭ تاسقىن حاۋىپ - قاتەرى كارتاسىن جاساۋ سياقتى قىزمەتتەردى ءتۇيىندى تۇردە قولدايدى؛ اۋىل - قىستاق اۋىز سۋ ينجەنەرياسىن جوندەۋ – كۇتۋگە 63 ميلليون 610 مىڭ يۋان ورنالاستىرىلىپ، 160 اۋىل - قىستاق اۋىز سۋ ينجەنەرياسىن جوندەۋ - كۇتۋگە جۇمسالادى؛ شاعىن سۋ قويماسى ينجەنەرياسى قۇرىلىسىنا 15 ميلليون 990 مىڭ يۋان ورنالاستىرىلىپ، 264 شاعىن سۋ قويماسىن جوندەۋ – كۇتۋگە جۇمسالادى؛ سۋ بايلىعىن باسقارۋعا 34 ميلليون 730 مىڭ يۋان ورنالاستىرىلىپ، 18 انا وزەن (كول) باقىلاۋ تۇيىندەرىنىڭ 1977 ورىنداعى ولشەۋ قۇرىلعىلارىن جوندەۋىنە، قورعاۋىنا جانە جاقسارتۋىنا قولداۋ كورسەتىلەدى؛ 36 ميلليون 260 مىڭ يۋان سۋ ۇنەمدەۋ قوسىمشا قاراجاتى ورنالاستىرىلىپ، سۋ كولشىگىن سالۋ، رەتتەۋ قىزمەتىنە قولداۋ كورسەتىلەدى؛ جەر استى سۋىن قالىپتان تىس اشۋدى جونگە سالۋعا 297 ميلليون 470 مىڭ يۋان ورنالاستىرىلىپ، جەر استى سۋىن قالىپتان تىس اشۋدى جونگە سالۋ نىسانىنان 7جەتەۋىن قولدايدى؛ سۋدىڭ سارقىلۋىنىڭ، توپىراقتىڭ شايىلۋىنىڭ الدىن الۋدى جان - جاقتى جونگە سالۋعا 89 ميلليون 120 مىڭ يۋان قارجى ورنالاستىرىلىپ، 211 شارشى كيلومەتر جەردەگى سۋدىڭ سارقىلۋىنىڭ، توپىراقتىڭ شايىلۋىنىڭ الدىن الۋدى جان - جاقتى جونگە سالۋ مىندەتىن ورىندايدى.

كەلۋ قاينارى: حالىق تورابى