پروكۋراتۋرا ورگاندارى دوۋ ۋانگۇيدىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 2 ـ ايدىڭ 12 ـ كۇنى بەيجيڭنەن بەرگەن حابارى. ءتىلشىنىڭ 2 ـ ايدىڭ 12 ـ كۇنى ەڭ جوعارى حالىق پروكۋراتۋراسىنان ۇعىسۋىنشا، شينجياڭ ۇيعۇر اۆتونوميالى رايوندىق ساياسي كەڭەس پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى دوۋ ۋانگۇيدىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن گۋاڭشي جۋاڭزۋ اۆتونوميالى رايونى ليۋجوۋ قالالىق حالىق پروكۋراتۋراسى تەكسەرىپ ايىپتاعان. تاياۋدا ليۋجوۋ قالالىق حالىق پروكۋراتۋراسى ليۋجوۋ قالالىق ورتا دارەجەلى حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر دوۋ ۋانگۇيدىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەر دوۋ ۋانگۇيدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: ايىپكەر دوۋ ۋانگۇي شينجياڭ ۇيعۇر اۆتونوميالى رايونى تولى اۋداندىق پارتكومنىڭ شۋجيى، تۇرپان ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى، اقسۋ ايماقتىق پارتكومنىڭ ورىنباسار شۋجيى، ساياسي زاڭ كوميتەتىنىڭ شۋجيى، اقسۋ ايماقتىق پارتكومنىڭ ورىنباسار شۋجيى، شۋجيى، شينجياڭ ۇيعۇر اۆتونوميالى رايوندىق ساياسي كەڭەستىڭ ورىنباسار ءتوراعاسى، اقسۋ ايماقتىق پارتكومنىڭ شۋجيى قاتارلى مىندەتىندەگى قولايلىلىعىنان پايدالانىپ، باسقالارعا پايدا جەتكىزگەن، باسقالاردىڭ مال - مۇلكىن زاڭسىز قابىلداعان، سوماسى ەرەكشە مول، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى