2025 ـ جىلى شينجياڭ ءتۇرلى قامتاماسىزداندىرۋ سيپاتتى 13 مىڭ 600 تۇرعىن ءۇي سالادى

ءتىلشىنىڭ 2 ـ ايدىڭ 12 ـ كۇنى شينجياڭ ۇيعۇر اۆتونوميالى رايوندىق تۇرعىن ءۇي جانە قالا ـ اۋىل قۇرىلىسى مەڭگەرمەسىنەن ۇعىسۋىنشا، 2025 ـ جىلى شينجياڭ تۇرعىن ۇيمەن قامتاماسىز ەتۋ قابىلەتىن جوعارىلاتۋ قيمىلىن ورىستەتىپ، مايعا بەرىلەتىن جانە ساتىلاتىن قامتاماسىزداندىرۋ سيپاتتى تۇرعىن ۇيمەن قامداۋدى ارتتىرىپ، ءتۇرلى قامتاماسىزداندىرۋ سيپاتتى تۇرعىن ۇيلەردەن 13 مىڭ 600 ىن سالىپ، قالا ـ قالاشىقتارداعى تۇرعىن ءۇي قيىنشىلىعى بار ەڭبەكاقى الاتىن قاۋىمنىڭ تۇراقتى تۇرعىن ءۇي قاجەتىن قاناعاتتاندىرادى.

تانىستىرۋعا قاراعاندا، شينجياڭ قالا ىشىندەگى قىستاقتار مەن قاتەرلى، كونە ۇيلەردى جاڭالاۋ نىسانىن جەتەكشى ەتىپ، بوس تۇرعان بايلىقتى جانداندىرىپ، ونىمدەرمەن قامداۋدى ساپالىلاندىرىپ، تۇتىنۋ قاجەتىن تاسقىنداتىپ، ىركىندى تاۋار ۇيلەردى ساتىپ الۋعا قولداۋ كورسەتىپ، تۇرعىن ۇيمەن قامتاماسىز ەتۋ كەزەك كۇتۋ قامباسىن باسقارۋدى كۇشەيتىپ، قالاداعى جاڭا قالا تۇرعىندارىنىڭ، جاستاردىڭ كەزەڭدىك تۇرعىن ءۇي ماسەلەسىن شەشۋدى جەبەيدى.

شينجياڭ تاعى 2025 ـ جىلعى قالالاردىڭ دەنساۋلىق تەكسەرۋ قىزمەتىن ءبىر ۋاقىتتا ۇيىمداستىرىپ ورىستەتەدى. قالانى جاڭالاۋدىڭ باياندى ۇلگىسى مەن ءتۇزىلىس مەحانيزمىن ورناتىپ، مەملەكەتتىڭ شينجياڭنىڭ قالانى جاڭالاۋ ارەكەتىنەن ۇلگى كورسەتۋ سىناق ءتۇيىنىن ورىستەتۋىنە بەيىمدەلۋىن، قولداۋىن بەلسەنە قولعا كەلتىرىپ، قالانى جاڭالاۋدىڭ، وزگەرتۋدىڭ ءبىر توپ جاقسى نىساندارىن جوسپارلاپ اتقارىپ، نازاردى ”بالالار مەن قارتتاردىڭ“ تۇرمىس قاجەتىنە شوعىرلاندىرىپ، كەمەلدى الەۋمەتتىك اۋماق قۇرىلىسىن كۇشەيتىپ، تۇرعىندار الەۋمەتتىك اۋماعىنداعى ولقىلىقتاردى تولىقتاۋ ارەكەتىن ۇزدىكسىز ورىستەتىپ، وتباسىلىق قارتتاردى كۇتىمدەۋ، اماناتتاپ تاربيەلەۋ، اس ـ سۋعا كومەكتەسۋ سياقتى الەۋمەتتىك اۋماق قىزمەت وتەۋ قۇرىلعىلارىنىڭ ورنالاسىمىن ساپالىلاندىرادى.

كەلۋ قاينارى: حالىق تورابى