بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.02.14 19:00 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق اۋىل شارۋاشىلىعى جانە اۋىل ـ قىستاق مەڭگەرمەسىنەن ۇعىسۋىنشا، 2024 ـ جىلى شينجياڭ استىق جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋعا جاپپاي تىرەك بولۋدى تىعىز توڭىرەكتەي وتىرىپ، سۇرانىستى باعدار ەتۋگە، كاسىپتىك نەگىزگى جەلىگە، ساتىلار بويىنشا اتقارۋعا، تۇتاس بارىس بويىنشا جەتىلدىرۋگە تاباندى بولىپ، جوعارى ساپالى شارۋالاردى جەتىلدىرۋ قىزمەتىن ورىستەتىپ، 15 مىڭ 335 جوعارى ساپالى شارۋانى جەتىلدىرگەن. مۇنىڭ ىشىندە جاڭاشا اۋىل شارۋاشىلىق تيجارات تۇلعالارىنىڭ جاۋاپتىلارىنان 6219 ادامدى تاربيەلەگەن، كاسىپتىك ءوندىرىس تيپىندەگى كۋرسقا 4564 ادامدى، تەحنيكالىق قىزمەت وتەۋ تيپىندەگى كۋرسقا 4552 ادامدى قاتىناستىرعان.
جوعارى ساپالى شارۋالاردى جەتىلدىرۋ شينجياڭداعى شارۋالاردىڭ ساپاسىن ۇزدىكسىز جوعارىلاتىپ، استىق پەن ماڭىزدى اۋىل شارۋاشىلىق ونىمدەرىنىڭ جالپى ونىمىندە، بىرلىك ونىمىندە، ساپاسىندا جاڭا تابىسقا قول جەتكىزۋگە دارىندىلار جاعىنان پارمەندى تۇردە كەپىلدىك ەتتى. بۇدان بىلاي شينجياڭ جوعارى ساپالى شارۋالاردىڭ جاعدايىن وكشەلەي ۇعىسۋدى جانە ولارعا تەحنيكالىق جاقتان قىزمەت وتەۋدى ۇزدىكسىز ويداعىداي ىستەپ، تەحنيكالىق جاقتان كۋرسانتتارعا دەر كەزىندە جەتەكشىلىك ەتۋ قىزمەتىن ورىستەتىپ، اۋىل شارۋاشىلىعى جانە اۋىل – قىستاق مينيسترلىگىنىڭ جوعارى ساپالى شارۋالاردى جەتىلدىرۋ قىزمەتى جونىندەگى ورنالاستىرۋىنا ساي، 2025 ـ جىلعى جوعارى ساپالى شارۋالاردى جەتىلدىرۋ قىزمەتىن مۇقيات جوسپارلاپ، تىڭعىلىقتى ورىستەتىپ، جەتىلدىرۋ دەڭگەيى، جەتىلدىرۋ ونىمدىلىگى قاتارلى جاقتاردا تىڭ ىلگەرىلەۋشىلىككە جانە جاڭا بەلەستەرگە جەتۋگە كۇش سالادى.
كەلۋ قاينارى: حالىق تورابى
