ايقىن تۇراقتاندىرىلدى! شينجياڭ سوزىلمالى اۋرۋلاردى ەمدەۋدە ءبىر تۇلعالاندىرىلعان امبۋلاتوريانى جاپپاي قۇرادى

ءتىلشىنىڭ 2 ـ ايدىڭ 17 ـ كۇنى وتكىزىلگەن شينجياڭ ۇيعۇر اۆتونوميالى رايونىنىڭ نەگىزگى ساتىلارداعى دەنساۋلىق ساقتاۋ، سالاماتتىق قىزمەتى جونىندەگى ورنالاستىرۋ جانە ساياساتتىق تاربيەلەۋ كۋرسىنان ۇعىسۋىنشا، بيىل شينجياڭ سوزىلمالى اۋرۋلاردى ەمدەۋدە ءبىر تۇلعالاندىرىلعان امبۋلاتوريا قۇرىلىسىن جاپپاي باستاپ، اۋدان كولەمىندە نەگىزگى دەنساۋلىق ساقتاۋ، سالاماتتىق جاعىندا ۇزدىكسىز قىزمەت وتەۋدى اناعۇرلىم ىلگەرىلەتەدى ەكەن.

سوڭعى جىلدارى شينجياڭ ەمدەۋ، دەنساۋلىق ساقتاۋعا قىزمەت وتەۋمەن قامداۋدىڭ ۇزدىكسىز كەڭەيۋىن ىلگەرىلەتىپ، حالىققا قولايلى، حالىققا ءتيىمدى ءبىر قىدىرۋ شارالار مەن نەگىزگى ساتىنىڭ ەمدەۋ، دەنساۋلىق ساقتاۋعا قىزمەت وتەۋدى ساپالىلاندىرۋ نىساندارى ىركەس ـ تىركەس تياناقتاندىرىلىپ، سوزىلمالى اۋرۋلاردى ەمدەۋدە ءبىر تۇلعالاندىرىلعان امبۋلاتوريا قۇرۋدان تارتىپ وتباسى شيپاگەرلەرىنىڭ كەلىسىممەن قىزمەت وتەۋىن كۇشەيتۋگە دەيىن، نەگىزگى ساتىداعى ايگىلى شيپاگەرلەر قىزمەت كەڭسەسىن قۇرۋدان نەگىزگى الەۋمەتتىك دەنساۋلىق ساقتاۋعا قىزمەت وتەۋدى كۇشەيتۋگە دەيىن، بۇقارانىڭ ەمدەلۋ كەشىرمەلەرى مەن دەنساۋلىعىن قامتاماسىزداندىرۋ دەڭگەيى جوعارىلادى.

قازىرگە دەيىن، شينجياڭ سوزىلمالى اۋرۋلاردى ەمدەۋدە ءبىر تۇلعالاندىرعان 373 امبۋلاتوريا قۇردى، بۇل امبۋلاتوريالار ناۋقاستارعا قولايلى، كاسىپتىك جاقتان ەمدەپ قىزمەت وتەۋىمەن قامداپ قانا قويماي، بايلىقتى بىرىكتىرۋ ارقىلى سوزىلمالى اۋرۋلاردى ەمدەۋدە جالپىلىق باسقارۋدى جانە ۇزاق ۋاقىت كۇتىمدەۋدى جۇزەگە اسىردى. نەگىزگى ساتىلاردا ايگىلى شيپاگەرلەر قىزمەت كەڭسەسىنەن 1028 كەڭسەنىڭ قۇرىلۋى ساپالى ەمدەۋ بايلىعىن نەگىزگى ساتىعا ءتۇسىرىپ، بۇقارا ءوز ءۇيىنىڭ جانىندا جوعارى دەڭگەيدەگى ەمدەۋ قىزمەت وتەۋىنەن يگىلىكتەنە الاتىن بولدى.

بيىل شينجياڭ وتباسى شيپاگەرلەرىنىڭ كەلىسىممەن قىزمەت وتەۋىن ءتۇيىن ەتىپ، بۇقارانىڭ نەگىزگى ساتىدا ەمدەلۋدەگى اسەرىن اناعۇرلىم جوعارىلاتادى. وتباسى شيپاگەرلەرىنىڭ كەلىسىممەن قىزمەت وتەۋ ولشەمىن بەلگىلەپ، قىزمەت وتەۋ مازمۇنى مەن ولشەمىن ايقىنداپ، وتباسى شيپاگەرلەرىنىڭ ”قاقپاشى“ بولۋ رولىن ساۋلەلەندىرىپ، ”نەگىزگى ساتىدا العاش دياگنوز قويۋ، قوس باعىتتا اۋىستىرىپ دياگنوز قويۋ“ سىندى دارەجەگە ءبولىپ ەمدەۋ ۇلگىسىن ورناتۋداعى بوگەتتەردى اشادى. بۇكىل رايون كولەمىندە كەلىسىممەن قىزمەت وتەۋدى ورگاندارعا، كاسىپورىندارعا، مەكتەپتەرگە، الەۋمەتتىك اۋماقتارعا جەتكىزۋ قيمىلىن قاتار ورىستەتىپ، وتباسى شيپاگەرلەرىنىڭ كەلىسىممەن قىزمەت وتەۋىنىڭ اناعۇرلىم كوپ ادامداردى قامتۋىنا مۇمكىندىك جاسايدى.

سونىمەن بىرگە، نەگىزگى الەۋمەتتىك دەنساۋلىق ساقتاۋعا قىزمەت وتەۋ مەن حالىققا قولايلى، حالىققا ءتيىمدى شارالاردى كۇشەيتۋدى ءتۇيىن ەتىپ، ءۇرتىس اقاۋسىز قىزمەت وتەۋ ۇلگىسىن ورناتادى. نەگىزگى ساتىداعى سوزىلمالى اۋرۋعا شالدىققانداردىڭ دەنساۋلىعىنا ۇزدىكسىز قىزمەت وتەۋ قىزمەت قىبلاناماسىن زەرتتەپ جاساپ، سوزىلمالى اۋرۋلاردى ەمدەۋدە ءبىر تۇلعالاندىرىلعان امبۋلاتوريا قۇرىلىسىن جاپپاي ورىستەتىپ، نەگىزگى ساتىداعى ءتۇيىندى ءبولىم قۇرىلىسىن كۇشەيتىپ، كوپ اۋرۋدان بىرگە ساقتانىپ، بىرگە ەمدەۋدى ىلگەرىلەتىپ، سوزىلمالى اۋرۋعا شالدىققاندارعا قىزمەت وتەۋدى ساپالىلاندىرادى. دەنساۋلىق تەكسەرۋ نىساندارىن ساپالىلاندىرىپ، دەنساۋلىق تەكسەرۋ مەن نەگىزگى الەۋمەتتىك دەنساۋلىق ساقتاۋعا قىزمەت وتەۋدى، نەگىزگى ەمدەلۋگە قىزمەت وتەۋدى، الەۋمەتتىك دەنساۋلىق تەكسەرۋدى ءونىمدى ۇشتاستىرىپ، بۇقاراعا اناعۇرلىم جان ـ جاقتى، جۇيەلى دەنساۋلىق باسقارۋ جاعىنان قىزمەت كورسەتەدى.

كەلۋ قاينارى: حالىق تورابى