دۇنيە جۇزىلىك دەنساۋلىق ساقتاۋ ۇيىمى: مايمىل شەشەگى ىندەتى دۇنيە ءجۇزى بويىنشا ۇزدىكسىز تارالدى 

دۇنيە جۇزىلىك دەنساۋلىق ساقتاۋ ۇيىمى جاريالاعان مايمىل شەشەگى ىندەتىنە قاتىستى ەڭ جاڭا مالىمەتكە قاراعاندا، مايمىل شەشەگى ۆيرۋسىنىڭ Ib تارماعىنان پايدا بولعان ىندەت ۇزدىكسىز ءورشىپ، كوپتەگەن مەملەكەتتەردە ساياحاتشىلارعا قاتىستى ىندەت جاعدايى جارىققا شىققان.

دۇنيە جۇزىلىك دەنساۋلىق ساقتاۋ ۇيىمى 2 – ايدىڭ 13 - كۇنى جاريالاعان مايمىل شەشەگى ىندەتى جونىندەگى مالىمەتكە قاراعاندا، وتكەن جىلدىڭ سوڭىنا دەيىن، دۇنيە ءجۇزى كولەمىندە 100 دەن استام مەملەكەت پەن رايوندا 124 مىڭ 753 ادامنىڭ دياگنوزى تۇراقتاندىرىلعانى مالىمدەلىپ، 272 ادام قازا بولعان.

مالىمەتكە قاراعاندا، 2 – ايدىڭ 2 – كۇنىنە دەيىن، مايمىل شەشەگى ۆيرۋسىنىڭ Ib تارماعىنان پايدا بولعان ىندەت نەگىزىنەن كونگو (كينشاسا)، بۋرۋندي جانە ۋگاندا ەلدەرىنەن شوعىرلى بايقالعان، 2023 – جىلى 9 – ايدان بەرى، مايمىل شەشەگى ۆيرۋسىنىڭ Ib تارماعى كونگونىڭ (كينشاسا) 8 ولكەسىندە بايقالعان. افريكادا بۋرۋندي، كەنيا، رۋاندا، ۋگاندا جانە زامبيا مەملەكەتتەرى بۇل ىندەتتىڭ الەۋمەتتىك اۋماقتاردا تارالعانىن مالىمدەگەن، زيمبابۆەدە ساياحاتشىلارعا قاتىستى ىندەت جاعدايى جونىندە مالىمەت بەرىلگەن.

مالىمەتتەگى ساندى مالىمەتتە كورسەتىلۋىنشە، افريكادان باسقا 13 مەملەكەتتە مايمىل شەشەگى ۆيرۋسىنىڭ Ib تارماعىمەن جۇعىمدالعان 38 ناۋقاس بايقالعانى مالىمدەلگەن، قاتىستى ءولىم - ءجىتىم جونىندە ءالى مالىمەت بەرىلمەگەن. مۇنىڭ ىشىندە اراب بىرىككەن امىرلىگى 2 – ايدىڭ 7 – كۇنى مايمىل شەشەگى ۆيرۋسىنىڭ Ib تارماعىمەن جۇعىمدالعان تۇڭعىش ناۋقاس جونىندە مالىمەت جاريالاعان، بۇل ناۋقاس تاياۋدا ۋگاندادا ساياحاتتاعان، ال باسقا مەملەكەتتەر مالىمدەگەن ناۋقاستاردىڭ ىشىندە، 7 ناۋقاس اراب بىرىككەن امىرلىگىندە ساياحاتتاعان، دۇنيە جۇزىلىك دەنساۋلىق ساقتاۋ ۇيىمى بۇل ىندەت اراب بىرىككەن امىرلىگىندە الەۋمەتتىك اۋماقتاردا تارالعان بولۋى مۇمكىن دەپ قاراعان.

كەلۋ قاينارى: حالىق تورابى