پروكۋراتۋرا ورگاندارى شيزاڭ اۆتونوميالى رايوندىق ۇكىمەتتىڭ بۇرىنعى ورىنباسار ءتوراعاسى ۋاڭ يۇڭنىڭ پارا الۋ دەلوسىنا زاڭ بويىنشا الەۋمەتتىك ايىپتاۋ ءتۇسىردى

شينحۋا اگەنتتىگىنىڭ 2 – ايدىڭ 18 - كۇنى بەيجيڭنەن بەرگەن حابارى. ءتىلشىنىڭ 2 – ايدىڭ 18 – كۇنى ەڭ جوعارى حالىق پروكۋراتۋراسىنان ۇعىسۋىنشا، شيزاڭ اۆتونوميالى رايوندىق ۇكىمەت پارتگرۋپپاسىنىڭ بۇرىنعى مۇشەسى، ورىنباسار ءتوراعاسى ۋاڭ يۇڭنىڭ پارا الۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرىپ اياقتاتقان، ەڭ جوعارى حالىق پروكۋراتۋراسىنىڭ كورسەتۋىمەن حۋنان ولكەسى چىنجوۋ قالالىق حالىق پروكۋراتۋراسى تەكسەرىپ ايىپتاعان. تاياۋدا، چىنجوۋ قالالىق حالىق پروكۋراتۋراسى چىنجوۋ قالالىق ورتا حالىق سوت مەكەمەسىنە الەۋمەتتىك ايىپتاۋ ءتۇسىردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر ۋاڭ يۇڭنىڭ ارىز - شاعىم ۇقىعىنان يگىلىكتەنەتىندىگىن زاڭ بويىنشا ۇقتىردى ءارى ايىپكەر ۋاڭ يۇڭدى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتاۋ ءتۇسىردى: ايىپكەر ۋاڭ يۇڭ حالىقتىق اۆياتسيا باتىس- وڭتۇستىك اۋماقتىق باسقارۋ مەكەمەسى ساياسات، زاڭ - ەرەجە باسقارماسىنىڭ باستىعى، حالىقتىق اۆياتسيا گۇيجوۋ حاۋىپسىزدىگىن باقىلاۋ - باسقارۋ مەكەمەسى پارتكومىنىڭ شۋجيى، مەكەمە باستىعى، گۇيجوۋ ولكەلىك اۋەجاي توبى شەكتى سەرىكتىگى پارتكومىنىڭ شۋجيى، باس جوراسى جانە گۇيياڭ لۇڭدۇڭباۋ حالىقارالىق اۋەجايىنىڭ 3 - مەرزىمدىك كەڭەيتىپ سالۋ ينجەنەرياسى قولباسشىلىق شتابىنىڭ قولباسشىسى قاتارلى قىزمەت قولايلىلىعىنان، سونداي - اق قىزمەت ۇقىعىنان نەمەسە ورنى قالىپتاستىرعان قولايلى شارت - جاعدايدان پايدالانىپ، باسقالارعا پايدا جەتكىزىپ، باسقالاردىڭ مال - مۇلكىن زاڭسىز قابىلداعان، سوماسى ەرەكشە قوماقتى، زاڭ بويىنشا پارا الۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى