شينجياڭدا ءبىر ەمحانا مىناداي قاراجاتتى تاپسىرۋدى جاپپاي كۇشىنەن قالدىردى 

2 - ايدىڭ 19 - كۇنىنەن باستاپ، شينجياڭ مەديتسينا داشۋەسىنە قاراستى 4 - شيپاحانا (اۆتونوميالى رايوندىق جۇڭگوشا شيپاگەرلىك ەمحاناسى) امبۋلاتوريادا الدىن الا تاپسىرىلاتىن اقشانى جاپپاي كۇشىنەن قالدىردى، ناقتى مازمۇنى مىناداي:

ەمحانانىڭ امبۋلاتوريادا الدىن الا تاپسىرىلاتىن اقشانى كۇشىنەن قالدىرۋ جونىندەگى ۇقتىرۋ

مەملەكەتتىك جانە اۆتونوميالى رايوندىق دەنساۋلىق ساقتاۋ – سالاماتتىق كوميتەتىنىڭ 2025 - جىلعى تۇتاس جۇيە بويىنشا حالىق ءۇشىن قىزمەت وتەۋ جاعىندا 8 ءتۇرلى ناقتى ءىس ىستەۋ تالابىنا ساي، ناۋقاستاردىڭ ەمدەلۋ جاعىنداعى قىسىمىن ازايتۋ ءۇشىن، 2 - ايدىڭ 19 - كۇنى ساعات 15:30 دان باستاپ شينجياڭ مەديتسينا داشۋەسىنە قاراستى 4 - شيپاحانا (اۆتونوميالى رايوندىق جۇڭگوشا شيپاگەرلىك ەمحاناسى) امبۋلاتوريادا الدىن الا تاپسىرىلاتىن اقشانى جاپپاي كۇشىنەن قالدىرادى ءارى وسىدان بۇرىن تاپسىرىلعان امبۋلاتوريادا الدىن الا تاپسىرىلاتىن اقشانى توپقا ءبولىپ قايتارادى. ناۋقاستار امبۋلاتوريادا ءنومىر الۋ، تەكسەرىلۋ، ءدارى الۋ قاتارلى جاعدايلار بارىسىندا تۇگەلدەي ناقتىلى جاعدايعا قاراي اقى تاپسىرادى، ەندىگارى الدىن الا اقشا تاپسىرمايدى، سول كەزدە امبۋلاتوريادا الدىن الا اقى تولەۋ يقۋاتتارى تۇگەلدەي جابىلادى، امبۋلاتوريا شيپاگەرلەرى ەندىگارى ەمدەلۋ قاراجاتىن الدىن الا الماستان، بۇل بارىس تىكەلەي ەمدەۋگە وزگەرتىلەدى، اقى الۋشى قىزمەتكەرلەر جاعدايعا قاراي وتىرىپ، ءنومىر الۋ قاراجاتىن ەمدەۋدى قامسىزداندىرۋ بويىنشا ەسەپتەن كوتەرەدى. قارتتار قاتارلى امبۋلاتوريادا ەمدەۋ، شۇعىل ەمدەۋ بارىسىندا الدىن الا اقشا تاپسىرۋدى قاجەت ەتەتىن ادامدارعا باعىتتاي وتىرىپ، ناۋقاستىڭ ءوزى قالاعان جاعدايدا، يكەمدى بىتىرۋگە بولادى.

شينجياڭ مەديتسينا داشۋەسىنە قاراستى 4 ـ شيپاحانا (اۆتونوميالى رايوندىق جۇڭگوشا شيپاگەرلىك ەمحاناسى)

امبۋلاتوريا كەڭسەسى 2025 ـ جىلى 2 ـ ايدىڭ 18 ـ كۇنى

كەلۋ قاينارى: حالىق تورابى