بيىلعى نىسانا! شينجياڭدا اۋدانداردىڭ %90 ىندە اۋدان كولەمىندەگى ەمدەۋ ورتاق تۇلعاسىنىڭ جيىلىك ولشەمىنە جەتۋىن جۇزەگە اسىرۋ

ءتىلشىنىڭ 2 ـ ايدىڭ 17 ـ كۇنى وتكىزىلگەن شينجياڭ ۇيعۇر اۆتونوميالى رايونىنىڭ نەگىزگى ساتى دەنساۋلىق ساقتاۋ، سالاماتتىق قىزمەتىن ورنالاستىرۋ جانە ساياساتتىق تاربيەلەۋ كۋرسىنان ۇعىسۋىنشا، قازىرگە دەيىن بۇكىل شينجياڭدا اۋدانداردىڭ %86.5 ىندە ەمدەۋ ورتاق تۇلعاسىنىڭ جيىلىك ولشەمگە جەتكەن، 2025 ـ جىلدىڭ سوڭىنا دەيىن، اۋدانداردىڭ %90 ىندە اۋدان كولەمىندەگى ەمدەۋ ورتاق تۇلعاسىنىڭ جيىلىك ولشەمگە جەتەتىن بولادى.

سوڭعى جىلدارى، شينجياڭ ”ءبىر اۋدان جونىندە ءبىر ٴتۇرلى ساياسات“ قولدانىپ، ەمدەۋ ورتاق تۇلعاسى قۇرىلىسىن ىلگەرىلەتتى. ەمدەۋ ورتاق تۇلعاسى باستاماشى بولعان شيپاحانالار ”ءبولىم بويىنشا شيپاحانانى كوتەرمەگە الۋ“ ءتاسىلىن قولدانىپ، 759 نەگىزگى ساتى بولىمشە شيپاحاناسىنا تەحنيكالىق كومەك بەرىپ، ورتا دارەجەلى، جوعارى دارەجەلى كاسىپتىك اتاق العان شيپاگەرلەردەن 1748 ادامدى نەگىزگى ساتىلاردا ۇزاق ۋاقىت تۇرۋعا جىبەردى.

بيىل شينجياڭ اۋدان كولەمىندەگى ەمدەۋ ورتاق تۇلعاسىىنىڭ جيىلىك قۇرىلىسىن ءتۇيىن ەتىپ، بايلىقتان بىرگە يگىلىكتەنۋدى جانە قىزمەت وتەۋدىڭ تومەنگە ءتۇسۋىن ىلگەرىلەتىپ، دارەجەگە ءبولىپ ەمدەۋ جۇيەسىن ءونىمدى ورناتادى.

”ادەتتەگى اۋرۋلاردى قالا، اۋدانداردا ەمدەۋدى“ ارقاۋ ەتىپ، اۋدان كولەمىندەگى ەمدەۋ ورتاق تۇلعاسى قۇرىلىسىنىڭ جوعارى ساپالى دامۋىن اناعۇرلىم ىلگەرىلەتەدى. اۆتونوميالى رايون ەمدەۋ ورتاق تۇلعاسى قۇرىلىسىنىڭ وزەكتى كورسەتكىشىن اۋدان دارەجەلى شيپاحانالاردىڭ دارەجە باعالاۋىنىڭ الدىڭعى شارتىنا ەنگىزىپ، ەمدەۋ ورتاق تۇلعاسى قۇرىلىسىنىڭ جۇمىس قىبلاناماسىن دەر كەزىندە باسىپ تاراتىپ، بايلىقتان ورتاق يگىلىكتەنۋ ورتالىعى مەن ورتالىق ءدارىحانا قۇرىلىسىنىڭ تالابىن ايقىنداپ، اۋدان كولەمىندەگى ەمدەۋ، دەنساۋلىق ساقتاۋعا قىزمەت وتەۋ، اۋىستىرىپ دياگنوز قويۋ ورتالىعىن قۇرۋ جونىندە ىزدەنىس جاساپ، ەمدەۋ ورتاق تۇلعاسى قۇرىلىسى قىزمەتىنىڭ ساپاسىن، ونىمدىلىگىن جوعارىلاتادى، بيىل جىل سوڭىندا ەمدەۋ ورتاق تۇلعاسىنىڭ ىشكى بولەگىندە تەكسەرۋ ناتيجەسىنءوزارا مويىنداۋدى نەگىزىنەن جۇزەگە اسىرادى.

”جاي اۋرۋلاردى نەگىزگى ساتىدا ەمدەۋدى“ ارقاۋ ەتىپ، جوعارى دارەجەلى ورىنداردىڭ ەمدەۋ بايلىعىنىڭ قالا – اۋىلدارداعى نەگىزگى ساتىلارعا قاراي ويىسۋىن ونان ارى ىلگەرىلەتەدى. تۇراقتى قىزمەتكەرلەردىڭ ورنىقتى تۇردە تومەنگە ءتۇسىپ قىزمەت وتەۋىنىڭ ۇزاق مەرزىمدى ٴونىمدى مەحانيزمىن ورناتادى، تۇراقتى قىزمەت وتەۋ مەرزىمى 6 ايدان كەم بولمايدى. نەگىزگى ساتىداعى بالالار ءبولىمى، اۋىز قۋىسى، ساۋىقتىرۋ، شۇعىل ەمدەۋ، شۇعىل قۇتقارۋ سياقتى ءتۇيىندى بولىمدەر قۇرىلىسىن كۇشەيتىپ، بالالار بولىمىنە قىزمەت وتەيتىن اۋىل - قالاشىق شيپاحانالارى مەن الەۋمەتتىك اۋماق دەنساۋلىق ساقتاۋعا قىزمەت وتەۋ ورتالىقتارىنىڭ سالىستىرماسى %90 تەن اساتىن بولادى.

كەلۋ قاينارى: حالىق تورابى