ىلە اڭعارىنىڭ تەمپەراتۋراسى تەز جوعارىلايدى، قار ەرۋدەن بولاتىن تاسقىن اپاتىنان ساقتانۋعا كوڭىل ءبولۋ كەرەك

2 – ايدىڭ 18 – كۇنى، ىلە وبلىستىق اۋا رايى ستانسياسى ۋيچات الەۋمەتتىك تەكشەسى ارقىلى تەمپەراتۋرانىڭ جوعارىلايتىندىعى جونىندە اۋا رايىنان الدىن الا مالىمەت بەردى، 2 – ايدىڭ 24 – كۇنىنەن 26 – كۇنىنە وزەن اڭعارىنىڭ ءىشىنارا وڭىرلەرىندە ەڭ جوعارى تەمپەراتۋرا 14 تە 16 سەلتسي گرادۋسقا جوعارىلايدى.

الدىن الا مالىمەتكە نەگىزدەلگەندە، 2 – ايدىڭ 19 – كۇنىنەن 26 – كۇنىنە دەيىن ىلە اڭعارىنىڭ جەر – جەرىندە اۋا رايى ءۇرتىس اشىق بولادى، تەمپەراتۋرا تەز جوعارىلاپ، 0 سەلتسي گرادۋستىق قاباتتىڭ بيىكتىگى 2800 مەتر اينالاسىندا جوعارىلاپ، وزەن اڭعارىنىڭ باسىم كوپ ٴبولىم وڭىرلەرىندە ەڭ جوعارى تەمپەراتۋرا 10 سەلتسي گرادۋستان اسادى ەكەن. مۇندا 2 – ايدىڭ 24 – كۇنىنەن 26 – كۇنىنە دەيىن وزەن اڭعارىنىڭ باتىسى مەن شىعىس بولەگىندەگى ءىشىنارا وڭىرلەردىڭ ەڭ جوعارى تەمپەراتۋراسى 14 تە 16 سەلتسي گرادۋسقا دەيىن جوعارىلايدى، تەڭىز دەڭگەيىنەن 1500 مەتر بيىكتىكتەگى جەرلەردىڭ تەمپەراتۋراسى 10 سەلتسي گرادۋس اينالاسىندا جوعارىلايدى.

اۋا رايى تاراۋلارى مىنانى ەسكەرتتى: وسى رەتكى اۋا رايىنىڭ وزگەرىسى بارىسىندا تەمپەراتۋرا كورنەكتى جوعارىلايدى، قاردىڭ ەرۋىنەن بولاتىن تاسقىن، لاي تاسقىنى جانە كوشكىن سياقتى اپاتتاردان ساقتانۋعا كوڭىل ءبولۋ كەرەك.

ۇعىسۋعا قاراعاندا، شينجياڭدا كوكتەمنىڭ باستالۋ ولشەمى ءۇرتىس 5 كۇن كۇندىك ورتاشا اۋا تەمپەراتۋرا 0 سەلتسي گرادۋستەن جوعارى بولۋى، ونىڭ ۇستىنە كەيىن كورنەكتى تومەندەمەۋى كەرەك ەكەن. وڭتۇستىك شينجياڭدا كوكتەمنىڭ باستالۋ ۋاقىتى ادەتتە 2 – ايدىڭ ورتا، اياق شەنىندە، سولتۇستىك شينجياڭدا كوكتەمنىڭ باستالۋ ۋاقىتى ادەتتە 3 - ايدىڭ ورتا، اياق شەنىندە بولادى ەكەن.

كەلۋ قاينارى: حالىق تورابى