سىرتقى ىستەر مينيسترلىگىنىڭ مالىمدەمەشىسى ۋكراينا ماسەلەسى جونىندە تىلشىلەردىڭ سۇراۋىنا جاۋاپ بەردى

شينحۋا اگەنتتىگىنىڭ 2 – ايدىڭ 18 – كۇنى بەيجيڭنەن بەرگەن حابارى (تىلشىلەر: شاۋ يبو، ما جويان). سىرتقى ىستەر مينيسترلىگىنىڭ مالىمدەمەشىسى گو جياكۇن 2 – ايدىڭ 18 - كۇنى ۋكراينا ماسەلەسى جونىندە تىلشىلەردىڭ سۇراۋىنا جاۋاپ بەردى.

سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: ا ق ش پەن رەسەي 2 – ايدىڭ 18 - كۇنى ريادتا ۋكراينا داعدارىسى جونىندە كەلىسسوز باستادى. ۋكراينا زۇڭتۇڭى زەلەنسكي ۋكراينا جاق وسى كەلىسسوزگە قاتىناسپايدى، كەلىسسوز ناتيجەسىن دە قابىلدامايدى دەگەندى ايتتى. سونىمەن بىرگە، ەۆروپا باسشىلارى پاريجدە شۇعىل ءماجىلىس اشتى، ءارى ۋكراينانىڭ كەلىسسوزدەن سىرت قالۋىنا نازار اۋداردى.

”ۋكراينا داعدارىسى جونىندە جۇڭگو جاق باستان ـ اياق تىلدەسۋ، كەلىسسوز وتكىزۋ داعدارىستى شەشۋدىڭ بىردەن - ءبىر جارامدى شىعار جولى دەپ قاراپ، ءناسيحاتتاپ كەلىستىرۋگە، كەلىسسوز وتكىزۋدى جەبەۋگە باستان ـ اياق تاباندى بولدى.“ گو جياكۇن بىلاي دەدى: ”ءبىز ا ق ش پەن رەسەي كەلىسكەن بەيبىتشىلىك كەلىسسوزى ورتاق تانىمىن قامتىعان بەيبىتشىلىككە كۇش سالاتىن بارلىق قۇلشىنىستاردى كورىپ وتىرمىز. سونىمەن بىرگە، ءبىز بارلىق ىسكە قاتىستى تاراپتار مەن مۇددەگە قاتىستى تاراپتاردىڭ بەيبىتشىلىك كەلىسسوزى بارىسىنا دەر كەزىندە قاتىناسۋىن ءۇمىت ەەمىز.“

كەلۋ قاينارى: حالىق تورابى