جۇڭگو ونەركاسىپ ـ ساۋدا بانكەسى شەكتى جارنا سەرىكتەستىگى پارتكومىنىڭ بۇرىنعى مۇشەسى، ورىنباسار بانكە باستىعى جاڭ حۇڭليدىڭ پارا الۋ دەلوسىنا ءبىرىنشى سوتتا ۇكىم جاريالاندى

شينحۋا اگەنتتىگىنىڭ 2 – ايدىڭ 19 – كۇنى حاڭجوۋدان بەرگەن حابارى. 2 – ايدىڭ 19 – كۇنى، جىجياڭ ولكەسى حاڭجوۋ قالالىق ورتا دارەجەلى حالىق سوتى مەكەمەسى ءبىرىنشى سوتتا جۇڭگو ونەركاسىپ ـ ساۋدا بانكەسى شەكتى جارنا سەرىكتەستىگى پارتكومىنىڭ بۇرىنعى مۇشەسى، ورىنباسار بانكە باستىعى جاڭ حۇڭليدىڭ پارا الۋ دەلوسىنا اشىق ۇكىم شىعارىپ، پارا الۋ قىلمىسى بويىنشا ايىپكەر جاڭ حۇڭليدى ءولىم جازاسىنا ۇكىم ەتىپ، 2 جىل كەشىكتىرىپ اتقارىپ، ساياسي ۇقىعىنان ومىرلىك ماحۇرم ەتتى، وعان قوسا جەكەلىك بارلىق مال ـ مۇلكىن ءمۇسادىرالادى؛ جاڭ حۇڭليدىڭ دەلوداعى قىلمىسى ارقىلى تاپقان مال - مۇلكى مەن ءوسىمى زاڭ بويىنشا مەملەكەت قازىناسىنا تاپسىرىلادى، جەتپەگەن بولەگى جالعاستى قۋزاپ قايتارىپ الىنادى.

تەكسەرۋ ارقىلى مىنالار انىقتالدى: 2011 - جىلدان 2022 - جىلعا دەيىن ايىپكەر جاڭ حۇڭلي جۇڭگو ونەركاسىپ - ساۋدا بانكەسى شەكتى جارنا سەرىكتىگى پارتكومىنىڭ مۇشەسى، ورىنباسار بانكە باستىعى مىندەتىن وتەۋ قولايلىلىعىنان پايدالانىپ، قاتىستى ورىندار مەن جەكەلەردىڭ قارىز اقشا الۋى- قارجى قۇراۋى، قىزمەتىن ورنالاستىرۋ سياقتى ىستەرىنە كومەكتەسىپ، تىكەلەي نەمەسە باسقالار ارقىلى جوعارىدا ايتىلعان ورىندار مەن جەكەلەردىڭ بەرگەن مال - مۇلكىن زاڭسىز قابىلداعان، جالپى حالىق اقشاسىنا سىندىرعاندا 177 ميلليون يۋاننان اسادى.

حاڭجوۋ قالالىق ورتا دارەجەلى حالىق سوت مەكەمەسى ايىپكەر جاڭ حۇڭليدىڭ ارەكەتى پارا الۋ قىلمىسىنا جاتادى دەپ قارادى. جاڭ حۇڭليدىڭ العان پاراسىنىڭ سوماسى ەرەكشە قوماقتى، قىلمىس سالماعى ەرەكشە اۋىر، قوعامدىق ىقپالى ەرەكشە جيرەنىشتى، مەملەكەت پەن حالىقتىڭ مۇددەسىنە ەرەكشە اۋىر دارەجەدە زيان جەتكىزگەندىكتەن، قىلمىسى بويىنشا ءولىم جازاسىنا ۇكىم ەتتى. جاڭ حۇڭلي دەلوعا كەلگەننەن كەيىن قىلمىسىن قاز - قالپىندا بايانداپ، دەلو ءبىر جاقتى ەتۋ ورگانى ءالى يگەرمەگەن كوپ ساندى پارا الۋ فاكتتەرىن ىرىقتىلىقپەن تاپسىرىپ، قىلمىسىن تانىپ،وكىنىپ، ارام ولجانى بەلسەنە قايتارىپ، ارام اقشا مەن ارام زاتتىڭ كوپ ءبولىمى قايتارىپ الىندى، زاڭدا بەلگىلەنگەن، جاعدايعا قاراي جەڭىل جازالاۋ جاعدايى بويىنشا، وعان ءولىمى جازاسى بەرىلىپ، دەرەۋ اتقارىلمايدى. سوت جوعارىداعى ۇكىمدى شىعاردى.

كەلۋ قاينارى: حالىق تورابى