كونگودا سەبەبى بەلگىسىز اۋرۋدان 53 ادام قازا بولدى

شينحۋا اگەنتتىگىنىڭ 2 – ايدىڭ 19 – كۇنى جينشاسادان بەرگەن حابارى. دۇنيە جۇزىلىك دەنساۋلىق ساقتاۋ ۇيىمى بىرنەشە كۇننىڭ الدىندا مالىمەت جاريالاپ بىلاي دەدى: كونگونىڭ باتىس سولتۇستىك بولەگىندە سەبەبى بەلگىسىز اۋرۋ بايقالعان، قازىرگە دەيىن 431 ادام جۇعىمدالعان، مۇنىڭ ىشىندە 53 ادام قازا بولعان.

دۇنيە جۇزىلىك دەنساۋلىق ساقتاۋ ۇيىمىنىڭ تانىستىرۋىنا قاراعاندا، بۇل رەتكى ىندەت كونگو ەكۆاتور ولكەسىندە تۋىلعان. جەرگىلىكتى دەنساۋلىق ساقتاۋ تاراۋلارى بيىل 1 – اي مەن 2 – ايدا جەكە - جەكە وسى ولكەنىڭ ەكى قىستاعىنان اۋرۋ جاعدايىن بايقاعان. 2 – ايدىڭ 15 – كۇنىنە دەيىن جيىنى 431 ادامنىڭ جۇعىمدالعانى بايقالعان، مۇنىڭ ىشىندە 53 ادام قازا بولعان. ناۋقاستىڭ اۋرۋ بەلگىلەرى: قىزۋى ورلەۋ، باس اۋرۋ، ءىش ءوتۋ قاتارلىلاردى قامتيدى. ءىشىنارا ناۋقاستاردا مۇرىننان قان اعۋ، قان قۇسۋ قاتارلى قان شىعۋ بەلگىلەرى بايقالعان.

دۇنيە جۇزىلىك دەنساۋلىق ساقتاۋ ۇيىمى جۇقپالى اۋرۋدىڭ قىسقا ۋاقىت ىشىندە تەز تارالاتىندىعىن ءارى بۇل اۋرۋ ەبولا ۆيرۋسى مەن مالبورگ ۆيرۋسى ەمەس ەكەندىگىن ءبىلدىردى. كونگونىڭ دەنساۋلىق ساقتاۋ تاراۋلارى سەبەبى بەلگىسىز اۋرۋعا ىشكەرىلەي تەكسەرۋ جۇرگىزۋدە.

كەلۋ قاينارى: حالىق تورابى