شينجياڭداعى 6 - توپتاعى از ۇلت عىلىم - تەحنيكا تىرەكتىلەرىن ەرەكشە تاربيەلەۋگە ءوتىنىش بەرۋ باستالدى 

شينجياڭ گازەتىنىڭ 2 – ايدىڭ 19 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى جاۋ چۇنحۋانىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، جۋىردا شينجياڭداعى 6 ـ توپتاعى از ۇلت عىلىم ـ تەحنيكا تىرەكتىلەرىن ەرەكشە تاربيەلەۋگە 2025 ـ جىلعى ءوتىنىش بەرۋ قىزمەتى باستالعان.

بيىل شينجياڭ ۇيعۇر اۆتونوميالى رايونى اۆتونوميالى رايوننىڭ ”10 ءىرى كاسىپ شوعىرىنىڭ“ دامۋ قاجەتىن تىعىز توڭىرەكتەي وتىرىپ، شۇعىل قاجەت بولىپ وتىرعان، كەمشىل دارىندىلاردى جەتىلدىرۋدى جەتەكشى ەتىپ، قابىلەت قۇرىلىسىن وزەك ەتىپ، ورتا ، جوعارى ساتىداعى از ۇلت كاسىپتىك - تەحنيكالىق دارىندىلارىن ماڭىزدى ءتۇيىن ەتىپ، ءىس ورنىنىڭ قاجەتىنە ۇيلەستىرۋ جانە جەتىلدىرۋ مەن پايدالانۋدى ءوزارا ۇشتاستىرۋ قاعيداسىندا تاباندى بولىپ، قىزمەت امالياتى مەن كاسىپتىك تاربيەلەۋدى ءوزارا ۇشتاستىرۋ ءتاسىلىن قولدانىپ، اۆتونوميالى رايون مەن شينجياڭ ءوندىرىس - قۇرىلىس بيڭتۋانىنان 400 ادامدى تاڭداۋلى از ۇلت كاسىپتىك - تەحنيكالىق تىرەكتىلەرى (وڭتۇستىك شينجياڭ وڭىرىندەگى از ۇلتتان باسقا از ساندى كاسىپتىك - تەحنيكالىق تىرەكتىلەردى قامتيدى) قاتارىنا سارالاپ، اۆتونوميالى رايونداعى، سونداي – اق، قاتىستى ولكە، اۆتونوميالى رايون، توتە قاراستى قالالارداعى جوعارى مەكتەپتەرگە، عىلىمي زەرتتەۋ ورىندارىنا جانە باسقا دا قاتىستى كاسىپورىن، ءىسورىندارعا ءبىر جىلدىق كۋرسقا قاتىناسۋعا جانە اماليات بارىسىندا ۇيرەنۋگە جىبەرەدى.

شينجياڭداعى از ۇلت عىلىم - تەحنيكا تىرەكتىلەرىن ەرەكشە تاربيەلەۋگە تاڭدالعانداردىڭ ءوتىنىش بەرۋى، ولاردى كورسەتۋ قاتارلى قىزمەتتەر تۇگەلدەي شينجياڭ كاسىپتىك - تەحنيكالىق قىزمەتكەرلەردى باسقارۋ تەكشەسىندە (ww.xjzcsq.com) بىتىرىلەدى. ءوتىنىش بەرۋشى ءوتىنىش بەرۋ شارتىنا ساي، ءوتىنىش مازمۇنى مەن ءتارتىبى بويىنشا، 2025 – جىلى 3 – ايدىڭ 5 – كۇنىنەن بۇرىن جەكەلىك ءوتىنىش بەرۋ قىزمەتىن ورىنداپ بولۋى كەرەك.

كەلۋ قاينارى: حالىق تورابى