ساۋدا مينيسترلىگى ا ق ش – نىڭ جۇڭگونىڭ ا ق ش – نا ەكسپورت ەتەتىن تاۋارلارىنان ۇستەمە باجى الۋى تۋرالى جۇڭگو جاقتىڭ نازار اۋدارىپ وتىرعانىن ءبىلدىردى 

2 – ايدىڭ 19 – كۇنى، ساۋدا مينيسترلىگىنىڭ مينيسترى ۋاڭ ۋىنتاۋ ا ق ش – نىڭ جاڭا كەزەكتى ساۋدا مينيسترى لۋتنيككە حات جولداپ، لۋتنيكتىك ا ق ش – نىڭ 41 – كەزەكتى ساۋدا ىستەرى مينيسترى بولعانىن قۇتتىقتادى، سونىمەن بىرگە، ا ق ش – نىڭ جۇڭگونىڭ ا ق ش – نا ەكسپورت ەتكەن ونىمدەرىنەن ۇستەمە كەدەن باجىسىن العانى جونىندە جۇڭگو جاقتىڭ نازار اۋدارىپ وتىرعانىن ءبىلدىردى.

ۋاڭ ۋىنتاۋ مىنانى ءبىلدىردى: ساۋدا – ەكونوميكا قارىم – قاتىناسى جۇڭگو – ا ق ش قارىم – قاتىناسىنىڭ ماڭىزدى قۇرامداس بولىگى. دۇنيە جۇزىندەگى ەڭ ءىرى ەكى ەكونوميكالىق تۇلعا رەتىندە، جۇڭگو مەن ا ق ش – نىڭ ساۋدا – ەكونوميكا سالاسىنداعى سەلبەستىكتى كۇشەيتۋى وزدەرىنىڭ دامۋى ءۇشىن عانا ەمەس، دۇنيە ءجۇزى ەكونوميكاسىنىڭ ارتۋىن دا دا ماڭىزدى مانگە يە. وتكەن ءبىرتالاي جىلدان بەرى، ەكى ەلدىڭ ساۋدا مينيسترلىكتەرى ەكونوميكا – ساۋدا جاعىنداعى سەلبەستىكتى ىلگەرىلەتۋدە جانە جەبەۋدە ماڭىزدى رول اتقاردى. جۇڭگو جاق ا ق ش جاقپەن بىرگە قۇلشىنىپ، ءوزارا قۇرمەتتەپ، بەيبىت قاتار تۇرىپ، سەلبەسىپ بىرگە يگىلىكتەنۋ نەگىزىندە، كەڭەسۋدى كۇشەيتىپ، الاۋىزدىقتاردى تەجەپ، سەلبەستىكتى جەبەپ، ەكى ەلدىڭ ونەركاسىپ – ساۋدا سالاسىنداعىلاردىڭ ناقتى سەلبەستىك ورناتۋىنا ءادىل، مەجەلەۋگە بولاتىن ساياساتتىق ورتا جاراتۋدى قالايدى.

ۋاڭ ۋىنتاۋ مىنانى باسا دارىپتەدى: ا ق ش جاقتىڭ فەنتانيل قاتارلى ماسەلەلەردى جەلەۋ ەتىپ، جۇڭگونىڭ ا ق ش – نا ەكسپورت ەتەتىن ونىمدەرىنەن %10 تىك كەدەن باجىسىن ۇستەمەلەپ الۋىنا جۇڭگو جاق قاتاڭ نارازىلىق بىلدىرەدى. جۇڭگو مەن ا ق ش ەكى جاق فەنتانيلدى باسقارۋ – تەجەۋ جاعىندا كەڭ كولەمدى، ىشكەرىلەي سەلبەستىك ورىستەتكەن ءارى كورنەكتى ونىمدىلىكتەرگە قول جەتكىزگەن. ا ق ش جاقتىڭ سىڭار جاقتىلى كەدەن باجىسىن ۇستەمەلەۋ شاراسى جۇڭگو مەن ا ق ش – نىڭ قالىپتى ەكونوميكا – ساۋدا سەلبەستىگىن بۇلدىرەدى. جۇڭگو جاق تەپە – تەڭ كەڭەسۋ، اقىلداسۋ ارقىلى ءبىر – ءبىرىنىڭ كوڭىل ءبولىپ وتىرعان ماسەلەلەرىن شەشىم ەتۋىن قالايدى. (باس ستانسيا ورتالىق تەلەۆيزيا ءتىلشىسى ۋ حاۋ، گاۋ يۋان)

كەلۋ قاينارى: حالىق تورابى