سىرتقى ىستەر مينيسترلىگى: ا ق ش جاقتى ا ق ش جۇرتشىلىعى مەن حالىقارالىق قوعامدى الجاستىرۋدى، جۇڭگوعا باعىتتالعان جالا جابۋ مەن قىسىم كورسەتۋدى توقتاتۋعا قۋزايمىز 

2 – ايدىڭ 20 – كۇنى، سىرتقى ىستەر مينيسترلىگىنىڭ مالىمدەمەشىسى گو جياكۇن كەزەكتى تىلشىلەردى قابىلداۋ ءماجىلىسىن باسقارىپ اشتى. ءبىر ءتىلشى ا ق ش مەملەكەتتىك كەڭەسىنىڭ ا ق ش – جۇڭگو قارىم – قاتىناسى پاراقشاسى مەن ا ق ش جۇڭگو قارىم – قاتىناسىنداعى فاكتتەر تىزىمدىگىن وزگەرتكەنى تۋرالى سۇراۋ سۇرادى.

گو جياكۇن مىنانى ءبىلدىردى: ا ق ش مەملەكەتتىك كەڭەسىنىڭ ا ق ش – جۇڭگو قارىم – قاتىناسى پاراقشاسى مەن ا ق ش – جۇڭگو قارىم – قاتىناسىنداعى فاكتتەر تىزىمدىگىن وزگەرۋى شىندىقتى بۇرمالاپ، جۇڭگونىڭ ديپلوماتيالىق ساياساتىن داتتاۋ، اتالمىش جۇڭگو – ا ق ش ستراتەگيالىق باسەكەسى دەگەندى دابىرالاۋ سانالادى، جۇڭگو جاق بۇعان قاتاڭ نارازىلىق ءبىلدىرىپ، باتىل قارسى تۇرادى.

جۇڭگو جاقتىڭ ا ق ش – نا باعىتتالعان ساياساتى دايەكتى، ايقىن، ءبىز جۇڭگو مەن ا ق ش – نىڭ قارىم - قاتىناسىنا ءتوراعا شي جينپيڭ ورتاعا قويعان ءوزارا قۇرمەت ەتۋ، بەيبىت قاتار تۇرۋ، سەلبەسىپ، بىرگە يگىلىكتەنۋ سىندى ءۇش ءتۇرلى پرينسيپ بويىنشا قارايمىز ءارى ونى دامىتامىز، سونىمەن بىرگە، جۇڭگونىڭ مەملەكەتتىك يەلىك ۇقىعىن، حاۋىپسىزدىگى مەن دامۋ مۇددەسىن باتىل قورعايمىز.

ءبىز ا ق ش جاقتى ءىس جۇزىندىك ارەكەتى ارقىلى ەكى ەل باسشىلارى تەلەفوندا سويلەسكەن كەزدە قول جەتكىزگەن ورتاق تانىمدى جۇزەگە اسىرىپ، ا ق ش جۇرتشىلىعى مەن حالىقارالىق قوعامدى الجاستىرۋدى، جۇڭگوعا باعىتتالعان جالا جابۋ مەن قىسىم كورسەتۋدى توقتاتۋعا، جۇڭگو مەن ا ق ش – نىڭ قارىم – قاتىناسىنا وبيەكتيۆ، بايسالدى پوزيتسيامەن مامىلە جاساۋعا، جۇڭگو مەن ا ق ش – نىڭ قارىم – قاتىناسىنىڭ ورنىقتى، اقاۋسىز، باياندى دامۋىن بىرگە ىلگەرىلەتۋگە قۋزايمىز.

كەلۋ قاينارى: حالىق تورابى