مياۋۋادي رايونىنداعى الدامكوستىككە ساياتىن قىلمىس كۇماندىسىنان تۇڭعىش توپتاعى جۇڭگولىق 200 ادام ەلگە قايتارىلدى

شينحۋا اگەنتتىگىنىڭ 2 ـ ايدىڭ 20 ـ كۇنى نانجيڭنەن بەرگەن حابارى. 2 ـ ايدىڭ 20 ـ كۇنى جۇڭگو حالىقتىق اۆياتسياسىنىڭ كوتەرمەگە العان ۇشاعىنىڭ جياڭسۋدىڭ نانجيڭ لۋكوۋ حالىقارالىق اۋەجايىنا ىركەس ـ تىركەس قونۋىنا بايلانىستى، بيرمانىڭ ەلىمىزگە قايتارعان مياۋۋادي رايونىنداعى الدامكوستىككە ساياتىن قىلمىس كۇماندىسىنان تۇڭعىش توپتاعى جۇڭگولىق 200 ادام تايلاند ارقىلى قوعام حاۋىپسىزدىگى ورگانى جاعىنان ەلىمىزگە ايداپ اكەلىندى. بۇل رەتكى ارەكەت جۇڭگو، بيرما، تايلاندتىڭ زاڭ اتقارۋ سەلبەستىگىن ورىستەتۋدە قول جەتكىزگەن كەلەلى تابىسىنىڭ بەلگىسى بولىپ، ءۇش ەلدىڭ تەلەگراف، توراپ ارقىلى الدامكوستىك ىستەۋ سياقتى ەل اتتاعان قىلمىستارعا بىرلەسىپ سوققى بەرۋ، ءوڭىردىڭ حاۋىپسىزدىگى مەن ورنىقتىلىعىن بىرگە قورعاۋداعى بەرىك بەكىمىن تولىق ايگىلەدى.

تاياۋدا جۇڭگو ـ بيرما ـ تايلاند ەلدەرىنىڭ ساقشى جاعى قىزمەت تەبىنىن ارتتىرىپ، مياۋۋادي رايونىنداعى تەلەگراف، توراپ ارقىلى الدامكوستىك ىستەۋ قىلمىسىنا بىرلەسىپ شوعىرلى سوققى بەردى. تايلاند مياۋۋادي رايونىن ەلەكتر، تور، مۇنايمەن قامداۋدى توقتاتۋ سياقتى شارالاردى قولداندى، تايلاند ـ بيرما شەكاراسىندا شارلاۋ، باسقارۋ ـ مەڭگەرۋدى كۇشەيتىپ، الدامكوستىككە ساياتىن ادامداردىڭ شەكارادان جاسىرىن ءوتۋ، جوتكەۋ ارناسىن باتىل ءۇزدى. بيرما مياۋۋادي رايونىنداعى تەلەگرف الدامكوستىگى باقشا رايونىنا شوعىرلى تەكسەرۋ جۇرگىزىپ، الدامكوستىككە ساياتىن قىلمىس كۇماندىلارىن تۇتقىنداپ، قامالىپ قالعان جۇڭگو ازاماتتارىن قۇتقارۋ جونىندە ورنالاستىرۋ جاسادى. ءۇش جاق تىعىز سەلبەسىپ، بىرگە قۇلشىنىپ، سوققى بەرۋ قىزمەتىندە كەلەلى ىلگەرىلەۋشىلىككە قول جەتكىزدى، مياۋۋادي رايونىنداعى الدامكوستىككە ساياتىن قىرۋار قىلمىس كۇماندىلارى تورعا ءتۇستى. 2 ـ ايدىڭ 20 ـ كۇنى، بيرما جاق الدامكوستىككە ساياتىن جۇڭگو ازاماتتىعىنداعى تۇڭعىش توپتاعى 200 قىلمىس كۇماندىسىن ەلىمىزگە قايتارعاندا تايلاندتىڭ مەكونگ رايونىنا جوتكەدى، قوعام حاۋىپسىزدىگى مينيسترلىگى جياڭسۋ قوعام حاۋىپسىزدىگى ورگانىنىڭ حالىق ساقشىلارىن ايروپلاندى كوتەرمەگە الىپ، قاتىستى ادامداردى تۇگەلدەي ەلگە ايداپ اكەلۋ مىندەتىن اتقارۋعا ۇيىمداستىردى. مۇنان سىرت، قىزمەت ورنالاستىرۋىنا ساي، مەجەمەن الدا الدامكوستىككە ساياتىن جۇڭگولىق قىلمىس كۇماندىلارىنان 800 دەن استام ادام ارت - ارتىنان ەلگە ايداپ اكەلىنەدى. بۇدان سىرت، جۇڭگو ازاماتى ۋاڭ x قاتارلىلاردى شەكارا سىرتىنا الداپ اپارۋ، دەرەكسىز كەتۋ، قاماپ الۋ، زاڭسىز قاماۋعا الۋعا قاتىستى باستى 10 قىلمىس كۇماندىسى تايلاند ساقشى جاعى جاعىنان قولعا الىنعاننان كەيىن، 2 – ايدىڭ 15 – كۇنى تاڭ سارىدە ەلىمىزدىڭ قوعام حاۋىپسىزدىگى ورگانى جاعىنان ەلىمىزگە ءساتتى ايداپ اكەلىندى.

كەلۋ قاينارى: حالىق تورابى