شينجياڭ ”قورەكتىك ازىق ـ تۇلىك“ قوسىمشا قاراجات ولشەمىن جوعارىلاتتى، ءبىر ميلليون 873 مىڭ 800 وقۋشىعا تيىمدىلىك جەتكىزەدى

2 - ايدىڭ 24 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋىنشا، بيىل كوكتەمگى وقۋ ماۋسىمىنان باستاپ، شينجياڭنىڭ ”قورەكتىك ازىق ـ تۇلىككە“ بەرىلەتىن تاماق قوسىمشا قاراجات ولشەمى مەملەكەتتىڭ قوسىمشا قاراجات ولشەمى نەگىزىندە، ءار وقۋشىعا كۇنىنە 2 يۋان قوسىلىپ، كومەك قاراجات ولشەمى بۇرىنعى 5 يۋاننان 7 يۋانعا جوعارىلايدى، اۋىل – قىستاقتارداعى ءبىر ميلليون 873 مىڭ 800 وقۋشى يگىلىكتەنەتىن بولادى.

وسى رەتكى ولشەمدى 2 يۋان جوعارىلاتۋدا وقۋشىلاردىڭ ازىق – تۇلىك قۇرىلىمىن ونان ارى ساپالىلاندىرىپ، وقۋشىلاردىڭ قورەكتىگىنىڭ جەتكىلىكتى بولۋىنا كەپىلدىك ەتۋ ماقسات ەتىلدى. تۇسكى تاماق فورماسىندا ەت، جۇمىرتقا، ءسۇت ونىمدەرى جانە جاڭا جەمىس - جيدەكتەرمەن، كوكونىستەرمەن قامداۋدىڭ جيىلىگى مەن مولشەرىن ارتتىرىپ، وقۋشىلاردىڭ ءار كۇنى قاجەتتى بەلوك، ۆيتامين، مينەرال زاتتار سياقتى قورەكتىك ەلەمەنتتەردىڭ جەتكىلىكتى بولۋىنا كەپىلدىك ەتۋ كەرەك.

اۋىل ـ قىستاق مىندەتتى وقۋ ـ اعارتۋ ساتىسىنداعى وقۋشىلاردىڭ قورەكتىگىن جاقسارتۋ جوسپارى پارتيا مەن ۇكىمەتتىڭ اۋىل ـ قىستاقتاعى وقۋشىلاردىڭ دەنە قۋاتىن، سالاماتتىعىن جوعارىلاتۋ ءۇشىن اتقارعان حالىق تۇرمىسىنا قاتىستى ينجەنەرياسى، بۇل جوسپار 2012 ـ جىلى شينجياڭدا اتقارىلعاننان بەرى، ءار ۇلت وقۋشىلارى پارتيا مەن ۇكىمەتتىڭ مەيىرىن شىنايى سەزىندى. اۆتونوميالى رايون ”قورەكتىك ازىق ـ تۇلىكتى“ جاقسارتۋ جوسپارىنىڭ كولەمىن ۇزدىكسىز كەڭەيتتى، قازىر 42 اۋدان، قالا مەملەكەتتىڭ، جەرگىلىكتى ورىننىڭ ”قورەكتىك ازىق ـ تۇلىك“ جوسپارىنا ەنگىزىلدى.

كەلۋ قاينارى: حالىق تورابى