پروكۋراتۋرا ورگاندارى چىن اننىڭ پارا الۋ، قىزمەت ۇقىعىنان بەتالدى پايدالانۋ دەلوسى جونىندە زاڭ بويىنشا الەۋمەتتىك ايىپتاۋ كوتەردى

شينحۋا اگەنتتىگىنىڭ 2 – ايدىڭ 22 – كۇنى بەيجيڭنەن بەرگەن حابارى. ءتىلشىنىڭ 2 – ايدىڭ 22 – كۇنى ەڭ جوعارى حالىق پروكۋراتۋراسىنان ۇعىسۋىنشا، گۇيجوۋ ولكەلىك ساياسي كەڭەس پارتگرۋپپاسىنىڭ بۇرىنعى مۇشەسى، بۇرىنعى ورىنباسار ءتوراعاسى چىن اننىڭ پارا الۋ، قىزمەت ۇقىعىنان بەتالدى پايدالانۋ دەلوسىن مەملەكەتتىك باقىلاۋ ـ تەكسەرۋ كوميتەتى تەكسەرۋدى اياقتاتىپ، ەڭ جوعارى حالىق پروكۋراتۋراسىنىڭ بەلگىلەۋىمەن، سىچۋان ولكەسى چىڭدۋ قالالىق حالىق پروكۋراتۋراسى تەكسەرىپ ارىز بەردى. تاياۋدا چىڭدۋ قالالىق حالىق پروكۋراتۋراسى چىڭدۋ قالالىق ورتا حالىق سوت مەكەمەسىنە الەۋمەتتىك ايىپتاۋ كوتەردى.

پروكۋراتۋرا ورگانى تەكسەرىپ ايىپتاۋ ساتىسىندا ايىپكەر چىن اننىڭ يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى ايىپكەردى سۇراققا تارتىپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ شاعىم ايتقان: ايىپكەر چىن يان گۇيجوۋ ولكەسى تۇڭرىن قالاسىنىڭ ورىنباسار قالا باستىعى، گۇي - ان جاڭا رايونىن اشۋعا قارجى قوسۋ شەكتى سەرىكتەستىگىنىڭ باس جوراسى، تۇڭرىن قالاسىنىڭ باستىعى، گۇيياڭ قالاسىنىڭ ورىنباسار قالا باستىعى، قالا باستىعى، گۇيجوۋ ولكەلىك ساياسي كەڭەستىڭ ورىنباسار ءتوراعاسى بولۋ قاتارلى مىندەتىندەگى قولايلىلىقتار، سونداي - اق قىزمەت ۇقىعى نەمەسە ورنى قالىپتاستىرعان قولايلى جاعدايدان پايدالانىپ باسقالارعا پايدا جەتكىزىپ، باسقالاردىڭ اقشا، مال - مۇلكىن زاڭسىز قابىلداعان، سوماسى توتەنشە كوپ؛ چىن ان مەملەكەت ورگانىنىڭ قىزمەتكەرى بولا تۇرا قىزمەت ۇقىعىنان الباتى پايدالانىپ، الەۋمەتتىك مال - مۇلىك پەن مەملەكەت مۇددەسىن اۋىر زيانعا ۇشىراتقان، ءىسى ەرەكشە اۋىر، پارا الۋ قىلمىسى، قىزمەت ۇقىعىنان الباتى پايدالانۋ قىلمىسى بويىنشا زاڭ بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى