اي شارىنا شىعارىلعان شينجياڭداعى مال ازىعىندىق ءشوپتىڭ تۇقىمى 3 - ايدىڭ باس شەنىندە قورابىنان شىعارىلىپ، سىناق رەتىندە ەگىلەدى 

شينجياڭ گازەتىنىڭ 2 – ايدىڭ 23 – كۇنى بەرگەن حابارى. انار بۇلت \ شينجياڭ گازەتىنىڭ ءتىلشىسى ما بويۇيدىڭ شينجياڭ مال شارۋاشىلىعى عىلىم اكادەمياسىنان ۇعىسۋىنشا، بىلتىر 5 ـ ايدا چاڭ ـ ى 6 ـ ءنومىرلى بارلاۋ اسپابىمەن ايعا شىعارىلعان، شينجياڭداعى مال ازىعىندىق 4 ءتۇرلى ءشوپتىڭ سالماعى 200 گرام كەلەتىن تۇقىمى تاياۋدا ”داڭقپەن اتا مەكەنىنە ورالدى“، 3 ـ ايدىڭ باس شەنىندە قورابىنان شىعارىلىپ، سىناق رەتىندە ەگىلەدى.

بۇل شينجياڭداعى مال ازىعىندىق ءشوپ تۇقىمىنىڭ تۇڭعىش رەت اي شارىنا شىعارىلۋى، سونداي ـ اق، ادامزاتتىڭ تۇڭعىش رەت مال ازىعىندىق ءشوپتىڭ تۇقىمىن اي شارىنا جەتكىزۋى. وسى رەت اي شارىنا شىعارىلعان شينجياڭداعى مال ازىعىندىق 4 ءتۇرلى ءشوپتىڭ تۇقىمى جەكە ـ جەكە جانتاق، حوتان ۇلكەن جاپىراقتى جوڭىشقاسى، شينجياڭ ۇلكەن جاپىراقتى جوڭىشقاسى، شينمۋ 4 ـ ءنومىرلى كۇلگىن گۇلدى جوڭىشقا بولىپ، سورتاڭعا، سۋىققا، قۋاڭشىلىققا ءتوزىمدى بولۋداي ەرەكشەلىكتەرگە يە. جانتاق شالا بۇتاعا جاتادى، قورەكتىك قۇنى ءبىرشاما جوعارى، تۇقىمىنىڭ ماي قۇرامى جوعارى، ورتاعا ۇيلەسۋ قۋاتى كۇشتى، جايىلىمنىڭ تۇياق كەستى بولۋىن تەجەۋ، قۋاڭ، ءشول ەگىس رايوندارىنداعى جاسىل القاپتاردىڭ سورتاڭدانۋىن، قۇمايتتانۋىن جەڭىلدەتۋ، جاسىل القاپتاردى قورعاۋ جانە كەڭەيتۋ جاقتارىندا ماڭىزدى رول اتقارادى؛ شينجياڭ ۇلكەن جاپىراقتى جوڭىشقاسى ساپالى جەرگىلىكتى جوڭىشقا تۇقىمى سانالادى، عۇمىرى ۇزاق ءارى قارتايۋعا ءتوزىمدى، جوعارى ءونىم الۋ مەزگىلى 10 جىلدان اسادى، ءونىم مولشەرى ءبىرشاما تۇراقتى بولادى.

ايتا كەتۋگە تاتيتىنى، شينجياڭداعى مال ازىعىندىق ءشوپ تۇقىمىنىڭ عارىشقا شىعارىلۋى تۇڭعىش رەت ەمەس. 2022 ـ جىلى 6 ـ ايدا شينجياڭداعى مال ازىعىندىق 4 ءتۇرلى ءشوپ تۇقىمى شىنجوۋ 14 ـ ءنومىرلى ادام الىپ ۇشاتىن الەم كەمەسىمەن بىرگە عارىشقا شىعارىلىپ، سورتاڭعا، سۋىققا، قۋاڭشىلىققا ءتوزىمدى مال ازىعىندىق ءشوپتى كەڭىستىكتە الىپ ءجۇرۋ تاجىريبەسى باستالعان.

كەلۋ قاينارى: حالىق تورابى