بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.02.24 15:57 كەلۋ قاينارى : حالىق تورابى
شينجياڭ گازەتىنىڭ 2 – ايدىڭ 23 – كۇنى التايدان بەرگەن حابارى. انار بۇلت _ شينجياڭ گازەتىنىڭ ءتىلشىسى ياۋ گاڭنىڭ 2 ـ ايدىڭ 22 ـ كۇنى التاي قالاسىندا اشىلعان شينجياڭ ۇيعۇر اۆتونوميالى رايوندىق قار ـ مۇز ساياحاتى قىزمەتىن ىلگەرىلەتۋ ماجىلىسىنەن ۇعىسۋىنشا، شينجياڭ قار ـ مۇز ىستەرى دامىتۋدى ورنالاستىرۋ، كاسىپ سالاسىنداعى ونىمدەردى بايىتۋ، سايكەستى قۇرىلعىلاردى كەمەلدەندىرۋ، ۇگىتتەۋدى مەن جالپىلاستىرۋدى كۇشەيتۋ، قىزمەت وتەۋ مەن قامتاماسىزداندىرۋدى كۇشەيتۋ، قار ـ مۇز سالاسىنداعى تيجارات تۇلعالارىن زورايتۋ، ءوندىرىس حاۋىپسىزدىگىن كۇشەيتۋ سىندى 7 جاقتان قار ـ مۇز ساياحاتىنىڭ ساپاسىن جوعارىلاتۋدى كۇش سالا ىلگەرىلەتۋدە.
«اۆتونوميالى رايوننىڭ قار - مۇز سپورتىنىڭ جوعارى ساپالى دامۋى ارقىلى قار - مۇز ەكونوميكاسىنىڭ ومىرشەڭدىك قۋاتىن تاسقىنداتۋ جونىندەگى اتقارىلاتىن جوباداعى» ورنالاستىرۋعا ساي، شينجياڭ نازاردى ”ءبىر وزەك، ەكى بەلدەۋ، كوپ شوعىر“ سىندى قار - مۇز سالاسىن دامىتۋ اۋقىمىنا (”ءبىر وزەك“، اتاپ ايتقاندا، ءۇرىمجى قالاسىنداعى قار - مۇز ساياحاتى جاعىنداعى شوعىرلاندىرۋ - جونەلتۋ ورتالىعى؛ ”ەكى بەلدەۋ“، اتاپ ايتقاندا، التاي تاۋى قار - مۇز ساياحات بەلدەۋى، تيانشان تاۋى قار - مۇز سەيىل - سەرۋەن كورىنىس بەلدەۋى؛ ”كوپ شوعىر“، ياعني قار ـ مۇز ەرەكشەلىگىنە يە ۇيىرمە ۇيىمداستىراتىن وڭىرلەر) شوعىرلاندىرىپ، بايلىق قاينارىن بىرىكتىرۋ، مادەنيەت بايلىقتى كادەگە جاراتۋ، ونىمدەردى جاساۋ، جول جەلىلەرىن جوسپارلاۋ قاتارلى جۇيەلى جوسپارلاۋدى كۇشەيتتى.
بيىل شينجياڭ قار ـ مۇز سالاسىنداعى ءتۇيىندى نىساندار قۇرىلىسىن تارتىپپەن ىلگەرىلەتىپ، اققابا، اراسان اۋداندىق قار شاڭعى الاڭى، بۋىرشىن اۋداندىق مۇز ءۇستى سپورت ورتالىعى قاتارلى ءبىر توپ ءتۇيىندى قار ـ مۇز نىساندارىنىڭ قۇرىلىسىن باستايدى. تۇتاس جىلدا 1 - 2 قار شاڭعى ساياحات ورنىن، 1 - 2 جوعارى دارەجەلى قار شاڭعى الاڭىن قۇرۋعا كۇش سالادى.
كەلۋ قاينارى: حالىق تورابى
