شينجياڭ: 2027 – جىلعا بارعاندا بارلىق اۋىل ـ قىستاق مەكتەپتەرىنە قالا ـ قالاشىقتارداعى مەكتەپتەر باعىتتامالى كومەكتەسۋ، سۇيەمەلدەۋ جۇزەگە اسىرىلادى

2 – ايدىڭ 26 – كۇنى، شينجياڭ ۇيعۇر اۆتونوميالى رايوندىق پارتكوم كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى كەڭسەسى «نەگىزگى الەۋمەتتىك وقۋ - اعارتۋعا قىزمەت وتەۋدىڭ ساپالى، بىركەلكى جۇيەسىن ورناتۋ جونىندەگى اتقارۋ جوباسىن» باسىپ تاراتتى ءارى حابارلاندىرۋ شىعارىپ، جەر ـ جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

«اتقارۋ جوباسىندا» مىنالار ايقىن بەلگىلەندى: كومەكتەسۋ - سۇيەمەلدەۋ مەحانيزمىن اقاۋسىزداندىرۋ كەرەك. مىندەتتى وقۋ - اعارتۋدىڭ قالا مەن اۋىلدىڭ ءبىر تۇلعالانىپ دامۋىن ءبىر تۇتاس جوسپارلاپ ىلگەرىلەتىپ، جاتاقتى مەكتەپ قۇرىلىسىن كۇشەيتىپ، اۋىل – قىستاقتاردا قاجەتتى شاعىن مەكتەپتەردى ويداعىداي باسقارۋ كەرەك. ايماقتى (وبلىس، قالا) بىرلىك ەتىپ، قالا مەن اۋىل مەكتەپتەرىنىڭ ورتاق تۇلعالىق قۇرىلىسىن جاپپاي ىلگەرىلەتىپ، ۇزدىك مەكتەپتەر ارقىلى ءالسىز مەكتەپتەردى سۇيەمەلدەۋگە، قالا ارقىلى اۋىلدى جەتەكتەۋگە تاباندى بولىپ، تۇتاس تۇلعالىق جاقتان ىلگەرىلەتىپ، قالا - اۋىل مەكتەپتەرىنىڭ كومەكتەسۋ - سۇيەمەلدەۋ، شابىتتاندىرۋ مەحانيزمىن اقاۋسىزداندىرىپ، 2027 - جىلعا بارعاندا بارلىق اۋىل - قىستاق مەكتەپتەرىنە قالا - قالاشىق مەكتەپتەرى باعىتتامالى كومەكتەسۋ – سۇيەمەلدەۋدى ورىنداۋ كەرەك.

كەلۋ قاينارى: حالىق تورابى