شينجياڭدا جوعارى دارەجەلى وقىتۋشىلارعا ءوتىنىش بەرۋدىڭ قاجەتتى شارتى: اۋىل - قىستاق مەكتەپتەرىنە نەمەسە وقىتۋ شارت – جاعدايى ءالسىز مەكتەپتەرگە بارىپ ءبىر جىلدان استام مۇعالىم بولۋ كەرەك

2 – ايدىڭ 26 – كۇنى، شينجياڭ ۇيعۇر اۆتونوميالى رايوندىق پارتكوم كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى كەڭسەسى «نەگىزگى الەۋمەتتىك وقۋ - اعارتۋعا قىزمەت وتەۋدىڭ ساپالى، بىركەلكى جۇيەسىن ورناتۋ جونىندەگى اتقارۋ جوباسىن» باسىپ تاراتتى ءارى حابارلاندىرۋ شىعارىپ، جەر ـ جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

«اتقارۋ جوباسىندا» مىنالار ايقىن بەلگىلەندى: قىزمەت ورنىن اۋىستىرۋدى كەمەلدەندىرۋ كەرەك. شينجياڭ ۇيعۇر اۆتونوميالى رايونىنىڭ ورتا، باستاۋىش مەكتەپ وقىتۋشىلارىنىڭ ”اۋدان باسقارۋ، مەكتەپ ۇسىنىس ەتۋ“ سىندى باسقارۋ رەفورماسىن ىلگەرىلەتىپ، اۋدان كولەمىندەگى وقىتۋشىلاردى باسقارۋدا ءىس باسقارۋ ۇقىعى، كادرلار قىزمەتى ۇقىعى، قازىنا ۇقىعى بىرلىككە كەلگەن باسقارۋ ءتۇزىلىسىن كەمەلدەندىرىپ، اۋدان كولەمىندەگى مەكتەپتەر ارا وقىتۋشىلاردى بىركەلكى ورنالاستىرۋدى جەدەل جۇزەگە اسىرۋ كەرەك. اۋداندار (قالا، رايون) مەكتەپ باستىقتارى مەن تىرەكتى وقىتۋشىلاردىڭ قىزمەت ورنىن اۋىستىرۋ مەحانيزمىن ورناتىپ، قالا - قالاشىقتارداعى ۇزدىك مەكتەپ باستىقتارىنىڭ، وقىتۋشىلاردىڭ اۋىل - قىستاق مەكتەپتەرىنە اۋىسۋىنا دەم بەرۋ ءارى ۇزدىكتەردى باعالاۋ، ماداقتاۋ سياقتى جاقتاردا وسىلارعا بەيىمدەلۋ كەرەك. اۋىل - قىستاق مەكتەپتەرىنە نەمەسە وقىتۋ شارت – جاعدايى ءالسىز مەكتەپتەرگە بارىپ ءبىر جىلدان ارتىق مۇعالىم بولۋدى جوعارى دارەجەلى وقىتۋشىلاردىڭ كاسىپتىك اتاعىن الۋدىڭ قاجەتتى شارتى ەتۋگە تاباندى بولىپ، 3 جىلدان استام ۋاقىت وقىتۋشىلىق ىستەۋدى ورتا، باستاۋىش مەكتەپ باستىقتارىن تاڭداپ تاعايىنداۋدىڭ ماڭداي الدى شارتى ەتۋ كەرەك.

كەلۋ قاينارى: حالىق تورابى