ساۋدا مينيسترلىگى جۇڭگوعا باعىتتالعان كۇيە جاعۋ مەن جازعىرۋدى توقتاتۋعا  قۋزادى

2 – ايدىڭ 25 – كۇنى، ساۋدا مينيسترلىگىنىڭ مالىمدەمەشىسى ەۆروپا وداعىنىڭ رەسەيگە باعىتتالعان 16 – كەزەكتى جازالاۋ شارالارىن اتقاراتىن تىزىمدىككە جۇڭگونىڭ كاسىپورىندارى مەن جەكەلەرىن قوسقانى جونىندە ءتىلشىنىڭ سۇراۋىنا جاۋاپ قايتاردى.

ءتىلشى بىلاي دەپ سۇرادى: 2 – ايدىڭ 24 – كۇنى، ەۆروپا وداعى رەسەيگە باعىتتالعان 16 – كەزەكتى جازالاۋ شارالارىن اتقاراتىن تىزىمدىككە جۇڭگونىڭ ءىشىنارا كاسىپورىندارى مەن جەكەلەرىن قوسقان، جۇڭگو جاق بۇعان قانداي پىكىر بىلدىرەدى؟

جاۋاپ: جۇڭگو جاق حالىقارالىق زاڭعا نەگىزدەلمەگەن، بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى ۇقىق بەرمەگەن سىڭار جاقتىلى جازالاۋ شارالارىن اتقارۋعا ەجەلدەن قارسى، ەۆروپا وداعىنىڭ جازالاۋ شارالارىنىڭ تىزىمدىگىنە جۇڭگونىڭ كاسىپورىندارى مە جەكەلەرىن قيسىنسىز قوسقانىنا جۇڭگو جاق تالاي رەت قاتاڭ نارازىلىق ءبىلدىرىپ، باتىل قارسى تۇرعان. ەۆروپا وداعىنىڭ بىلاي ىستەۋى جۇڭگو مەن ەۆروپا وداعىنىڭ باسشىلارىنىڭ ورتاق تانىمىنىڭ رۋحىنا قايشى كەلەدى، جۇڭگو مەن ەۆروپانىڭ ەكونوميكا – ساۋدا قارىم – قاتىناسىنا ناشار ىقپال جاسايدى. جۇڭگو جاق باستان – اياق ”كەڭەسۋ مەن كەلىسسوز وتكىزۋ — ۋكراينا داعدارىسىن شەشىم ەتۋدىڭ بىردەن – ءبىر جۇزەگە اساتىن جولى“ دەپ قاراپ، باستان اياق تاتۋلاستىرۋعا، كەلىسسوزگە شاقىرۋعا تاباندى بولدى. ءبىز ەۆروپا وداعىن جۇڭگونىڭ كاسىپورىندارىن اتالعان تىزىمدىككە قوسۋدى توقتاتۋعا، جۇڭگو جاققا كۇيە جاعۋدى، جۇڭگو جاقتى جازعىرۋدى توقتاتۋعا قۋزايمىز. جۇڭگو قاجەتتى شارالاردى قولدانىپ، جۇڭگو كاسىپورىندارىنىڭ ۇيلەسىمدى، زاڭدى جاۋاپكەرشىلىگىن باتىل قورعايدى. (باس ستانسيا ورتالىق تەلەۆيزيا ءتىلشىسى ديڭ ياني، گاۋ يۋان)

كەلۋ قاينارى: حالىق تورابى