ادام الداپ ساتۋ قىلمىسىنا قاتاڭ سوققى بەرىلدى! 2024 – جىلى قوعام حاۋىپسىزدىگى ورگاندارى ادام الداپ ساتۋعا قاتىستى جاڭا بايقالعان دەلولار مەن بۇرىنعى دەلولاردان جيىنى 550 دەن استام دەلونى تەكسەرىپ انىقتادى 

قوعام حاۋىپسىزدىگى مينيسترلىگى ۋيشين الەۋمەتتىك تەكشەسىنىڭ حابارىنا قاراعاندا، 2024 – جىلى قوعام حاۋىپسىزدىگى ورگاندارى ايەلدەر مەن بالالاردى الداپ ساتۋ قىلمىسىنا سوققى بەرۋ جونىندەگى ارناۋلى قيمىلدى ىشكەرىلەي ورىستەتىپ، ادام الداپ ساتۋعا قاتىستى جاڭادان بايقالعان دەلولاردى تەز بارلاپ، تەز انىقتاپ، ادام الداپ ساتۋعا قاتىستى دەلولارعا سوققى بەرۋدەن شوعىرلى قامال الىپ، ادام الداپ ساتۋعا قاتىستى جاڭادان بايقالعان دەلولار مەن بۇرىنعى دەلولاردان جيىنى 550 دەن استامىن بارلاپ انىقتاپ، ادام الداپ ساتۋعا ساياتىن قىلمىس كۇماندىلارىنان ءبىر توبىن قولعا الىپ، دەرەكسىز كەتكەن، الداپ ساتىلعان ايەلدەر مەن بالالاردان ءبىر توبىن تاپقان، مۇندا، الداپ ساتىلعان ۋاقىتى ەڭ ۇزاق بولعاندا 30 جىلعا جەتكەن. سوققى بەرۋ بارىسىندا ايەلدەر مەن بالالاردىڭ زاڭدى ۇقىق - مۇددەسى شىنايى قورعالعان.

ءبىر جىلدان بەرى، قوعام حاۋىپسىزدىگى مينيسترلىگى ەڭ جوعارى حالىق سوتى، ەڭ جوعارى حالىق پروكۋراتۋراسى، وقۋ – اعارتۋ مينيسترلىگى، حالىق ىستەرى مينيسترلىگى، مەملەكەتتىك ايەلدەر بىرلەستىگى قاتارلى تاراۋلارمەن بىرگە سوققى بەرۋ ارقىلى جول اشۋعا، سىلەيتە سوققى بەرۋگە، جازالاۋ مەن ساقتانۋدى قاتار جۇرگىزۋگە، جان ـ جاقتى شارا قولدانۋعا تاباندى بولىپ، ادام الداپ ساتۋ قىلمىسى تۋىلاتىن شارت - جاعدايدى مۇمكىندىكتىڭ بارىنشا الاستادى. ارەكەت بارىسىندا جەر – جەردەگى قوعام حاۋىپسىزدىگى ورگاندارى ”جاپپاي تۇبەگەيلى تەكسەرۋ، ەگجەي - تەگجەيلى سارالاپ تەكسەرۋ، باستى ءتۇيىندى كورنەكتىلەندىرۋ، سىلەيتە سوققى بەرۋ“ پرينسيبى بويىنشا، قىلمىس دەرەكتەرىن جان - جاقتى، ىشكەرىلەي اداقتاپ، دەلونى بارلاپ اشۋ جانە دەرەكسىز كەتكەن، الداپ ساتىلعان ايەلدەر مەن بالالاردى ىزدەۋ، قۇتقارۋ قىزمەتىن كۇش سالا ورىستەتىپ، ادام الداپ ساتۋ قىلمىسىنىڭ تىزبەگىن باتىل ءۇزدى. دەلولاردى انىقتاۋدان قامال الۋدى كۇش سالا ىلگەرىلەتۋمەن بىرگە، قوعام حاۋىپسىزدىگى ورگاندارى قاتىستى فۋنكتسيالىق تاراۋلارمەن بىرگە، ءداستۇرلى مەديالار مەن جاڭا مەديالاردىڭ تاسىلدەرىنەن تولىق پايدالانىپ، ادام الداپ ساتۋعا قارسى تۇرۋ جاعىنداعى ۇگىتتى كۇش سالا ورىستەتىپ، تۇتاس قوعام بويىنشا ادام الداپ ساتۋعا قارسى تۇرۋ قىزمەتىن قولدايتىن قويۋ راي قالىپتاستىردى.

كەلۋ قاينارى: حالىق تورابى