ا ق ش جاقتى تايۋاندى قارۋلاندىرۋدى توقتاتۋعا، تايۋان بۇعازىنىڭ بەيبىتشىلىگى مەن ورنىقتىلىعىن ءبۇلدىرۋدى توقتاتۋعا قۋزايمىز 

حالىق گازەتىنىڭ ءتىلشىسى لي انچي 2 – ايدىڭ 26 – كۇنى بەيجيڭنەن حابارلايدى. سىرتقى ىستەر مينيسترلىگىنىڭ مالىمدەمەشىسى لين جيان 2 – ايدىڭ 26 – كۇنى مىنانى ءبىلدىردى: جۇڭگو جاق ا ق ش جاقتى تايۋاندى قارۋلاندىرۋدى توقتاتۋعا، تايۋان بۇعازىنىڭ بەيبىتشىلىگى مەن ورنىقتىلىعىن ءبۇلدىرۋدى توقتاتۋعا قۋزايدى.

سول كۇنى وتكىزىلگەن كەزەكتى تىلشىلەردى قابىلداۋ ماجىلىسىندە ءبىر ءتىلشى بىلاي دەپ سۇرادى: حابارعا قاراعاندا، ترامپ ۇكىمەتى جۋىردا 5 ميلليارد 300 ميلليون ا ق ش دوللارىندىق ”شەتەلگە كومەكتەسۋ قاراجاتىن“ بوساتقان، مۇنىڭ ىشىندە تايۋانعا بەرمەك بولعان 870 ميلليون ا ق ش دوللارىندىق اسكەري كومەك قاراجاتى قامتىلعان. جۇڭگو جاق بۇعان قانداي پىكىر بىلدىرەدى؟

لين جيان مىنانى ءبىلدىردى: جۇڭگو جاق قاتىستى حابارلارعا بارىنشا نازار اۋدارىپ وتىر. ا ق ش – نىڭ جۇڭگونىڭ تايۋان وڭىرىنە اسكەري كومەك بەرمەك بولعانى ءبىر جۇڭگو پرينسيبىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەگە اۋىر دارەجەدە قايشى كەلەدى، جۇڭگونىڭ يەلىك ۇقىعى مەن حاۋىپسىزدىك جاعىنداعى مۇددەسىنە اۋىر دارەجەدە سۇعاناقتىق جاساعاندىق سانالادى، بۇل ”تايۋان دەربەستىگى“ بولشەكتەۋشى كۇشتەرىنە اۋىر دارەجەدە قاتە سيگنال بەرگەندىك، جۇڭگو جاق تەگىننەن باتىل قارسى تۇرىپ كەلەدى.

لين جيان: ”ءبىز ا ق ش جاقتى تايۋاندى قارۋلاندىرۋدى توقتاتۋعا، تايۋان بۇعازىنىڭ بەيبىتشىلىگى مەن ورنىقتىلىعىن ءبۇلدىرۋدى توقتاتۋعا قۋزايمىز. جۇڭگو جاق جاعدايدىڭ بەتالىسىنا ءجىتى نازار اۋدارىپ كەلەدى، مەملەكەتتىڭ يەلىك ۇقىعى مەن حاۋىپسىزدىگىن جانە تەرريتورياسىنىڭ تۇتاستىعىن باتىل قورعايدى“ دەدى.

كەلۋ قاينارى: حالىق تورابى