شينجياڭ: ءار 3 جىلدا ورتا، باستاۋىش مەكتەپ وقىتۋشى، جۇمىسشى ـ قىزمەتكەرلەرىنىڭ شتاتىن جاپپاي تەكسەرىپ بەكىتەدى

2 – ايدىڭ 26 – كۇنى، شينجياڭ ۇيعۇر اۆتونوميالى رايوندىق پارتكوم كەڭسەسى، شينجياڭ ۇيعۇر اۆتونوميالى رايوندىق حالىق ۇكىمەتى كەڭسەسى « نەگىزگى الەۋمەتتىك وقۋ - اعارتۋعا قىزمەت وتەۋدىڭ ساپالى، بىركەلكى جۇيەسىن قالىپتاستىرۋ جونىندەگى اتقارۋ جوباسىن» باسىپ تاراتتى ءارى حابارلاندىرۋ شىعارىپ، جەر ـ جەردەن، تاراۋلاردان ءىس جۇزىندىك جاعدايمەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.

«اتقارۋ جوباسىندا» مىنالار ايقىن بەلگىلەندى: وقىتۋشىلاردى ورنالاستىرۋدى ساپالىلاندىرۋ. ورتا، باستاۋىش مەكتەپتەردىڭ وقىتۋشى، جۇمىسشى ـ قىزمەتكەرلەرىنىڭ شتات ولشەمىن بىرلىككە كەلتىرىپ، ءار 3 جىلدا ورتا، باستاۋىش مەكتەپ وقىتۋشى، جۇمىسشى ـ قىزمەتكەرلەرىنىڭ شتاتىن ءبىر رەت جاپپاي تەكسەرىپ تۇراقتاندىرىپ، اۋدان (قالا، رايون) اۋماعىنداعى وقىتۋشى ـ قىزمەتكەرلەردىڭ شتاتىن يكەمدى رەتتەپ، اۋداندى (قالا، رايون) بىرلىك ەتىپ، ورتا ، باستاۋىش مەكتەپ وقىتۋشى، جۇمىسشى ـ قىزمەتكەرلەرىنىڭ شتاتىن جاپپاي مەملەكەتتىك ولشەمگە جەتكىزۋگە شىنايى كەپىلدىك ەتۋ كەرەك. مەملەكەتتىڭ ورتا، باستاۋىش مەكتەپ وقىتۋشىلارىنىڭ تولىمدىلىعى جونىندەگى ءتۇزىمىن تياناقتاندىرىپ، 2025 - جىلدان باستاپ ورتا، باستاۋىش مەكتەپ وقىتۋشىلارىنىڭ تولىمدىلىق كۋالىگىن مەرزىم بويىنشا تىزىمگە الۋ ءتۇزىمىن اتقارۋ كەرەك. ساتىعا، تۇرگە ءبولىپ، وقىتۋشىلاردىڭ ءوسىپ - جەتىلۋ، دامۋىنىڭ ساتىلى جۇيەسىن ورناتىپ جانە كەمەلدەندىرىپ، ءبىر توپ تاڭداۋلى مەكتەپ باستىقتارىن جەتىلدىرىپ، پەداگوگ تيپىندەگى ءبىر توپ وقىتۋشىلار مەن تاڭداۋلى تىرەكتى وقىتۋشىلاردى كۇش سالا جەتىلدىرۋ كەرەك. ”ۇيىرمە فورماسى“ ارقىلى شينجياڭعا كومەكتەسۋ، قارت مۇعالىم ساباق ءوتۋ جوسپارى، باتىس بولىك جوسپارى ەرىكتىلەرى سياقتى بايلىقتاردى ساپالىلاندىرىپ، كەڭەيتىپ، ءار جىلى ورتا، باستاۋىش مەكتەپتەرگە وقىتۋشىلىققا 5000 ادامدى تاڭداپ جىبەرىپ، وڭتۇستىك شينجياڭ وڭىرىندەگى ورتا، باستاۋىش مەكتەپتەرگە ءتۇيىندى تۇردە بەيىمدەلۋ كەرەك . وڭتۇستىك شينجياڭ وڭىرىندەگى ورتالاۋ، ورتا مەكتەپ ساتىسىنداعى وقىتۋشىلاردى قابىلداۋ تەبىنىن ارتتىرىپ، وقۋ ماعۇلىماتى تومەن وقىتۋشىلاردى ورتالاۋ، ورتا مەكتەپ وقىتۋشىلارىنىڭ تولىمدىلىعىن الۋعا تارتىپپەن ۇيىمداستىرۋ كەرەك.

كەلۋ قاينارى: حالىق تورابى