2025 –جىلعى ستۋدەنتتەردىڭ باتىس بولىكتە ەرىكتى قىزمەت وتەۋ جوسپارىنا تىزىمدەلۋ باستالدى 

حالىق گازەتىنىڭ ءتىلشىسى ياڭ حاۋ 3 – ايدىڭ 2 – كۇنى بەيجيڭنەن حابارلايدى. 2025 – جىلعى ستۋدەنتتەردىڭ باتىس بولىكتە ەرىكتى قىزمەت وتەۋ جوسپارىنا تىزىمدەلۋ ارناسى 3 – ايدىڭ 1 – كۇنى اشىلدى. 5 – ايدىڭ باس شەنىنە دەيىن، جاي جوعارى مەكتەپتەردەن بيىل وقۋ بىتىرەتىن ستۋدەنتتەر نەمەسە مەكتەپتەگى اسپيرانتتار ”باتىس بولىكتە ەرىكتى قىزمەت وتەۋشىلەر شوعىرى“ (西部志愿汇) اتتى ۋيشين الەۋمەتتىك ءنومىرى ارقىلى نەمەسە باتىس بولىك جوسپارىنىڭ تورابىنا شىعىپ، باتىس بولىك جوسپارىنا تىزىمدەلۋ جۇيەسى ارقىلى تىركەلىپ تىزىمدەلۋىنە بولادى.

باتىس بولىك جوسپارى — كوممۋنيستىك جاستار وداعى ورتالىق كوميتەتى، وقۋ – اعارتۋ مينيسترلىگى، ادام كۇشى بايلىعى جانە قوعامدىق قامتاماسىزداندىرۋ مينيسترلىگى بىرگە ۇيىمداستىرىپ جولعا قويعان دارىندىلار ينجەنەرياسى بولىپ، قالىڭ جاستارعا باتىس بولىكتەگى نەگىزگى ساتىلارعا بارىپ قابىلەتتەرىن ايگىلەيتىن، وتاننىڭ ءۇمىتىن اقتايتىن كەڭ ساحنا ازىرلەپ بەردى. نىسان اتقارىلعان 22 جىلدان بەرى، جوعارى مەكتەپتەردەن وقۋ تاۋىسقان 540 مىڭنان استام وقۋشى پارتيا مەن مەملەكەتتىڭ ۇندەۋىنە بەلسەنە ءۇن قوسىپ، مۇراتتى اسقاقتاتىپ، تاباندىلىقپەن ىستەپ، ۇلەس قوسۋعا پەيىل بولىپ، 2000 نان استام اۋداندا (قالا، رايون، حوشۇن) اۋىل - قىستاقتى گۇلدەندىرۋگە، نەگىزگى ساتىنى جونگە سالۋعا ات سالىسىپ، شەكارانى گۇلدەندىرىپ، حالىقتى اۋقاتتاندىرۋعا، شەكارانى ورنىقتىرىپ، شەكارانى بەكەمدەۋگە قىزمەت وتەپ، باتىس بولىك پەن نەگىزگى ساتىنىڭ دامۋىنا جاستىق شاقتىڭ جالىنىن جانە جاستىق كۇش – قۋاتىن ارنادى، بۇكىل قوعامدا، اسىرەسە، قالىڭ جاستار اراسىندا باتىس بولىككە، نەگىزگى ساتىعا، وتان مەن حالىق ەڭ قاجەت ەتكەن جەرلەرگە بارىپ ەڭبەك ءسىڭىرىپ، ۇلەس قوساتىن ءداۋىر اۋەنىن اسقاقتاتا شىرقادى.

كەلۋ قاينارى: حالىق تورابى