يۇي حۋايىڭعا ءولىم جازاسى اتقارىلدى

شينحۋا اگەنتتىگىنىڭ 2 - ايدىڭ 28 – كۇنى گۇيياڭنان بەرگەن حابارى. ەڭ جوعارى حالىق سوت مەكەمەسىنىڭ تەكسەرىپ بەكىتۋىمەن، 2025 - جىلى 2 - ايدىڭ 28 - كۇنى گۇيجوۋ ولكەسى گۇيياڭ قالالىق ورتا دارەجەلى حالىق سوت مەكەمەسى زاڭدا بەلگىلەنگەن ءتارتىپ بويىنشا يۇي حۋايىڭعا ءولىم جازاسىن اتقاردى، پروكۋراتۋرا ورگاندارى زاڭ بويىنشا ادام جىبەرىپ ناق مايداندا باقىلاۋ جۇرگىزدى.

سوت مەكەمەسى تەكسەرۋ ارقىلى مىنانى انىقتاعان: يۇي حۋايىڭ زاڭسىز پايداعا كەنەلۋ ءۇشىن 1993 - جىلدان 2003 - جىلعا دەيىنگى ارالىقتا جەكە - جەكە باسقا بىرەۋمەن استاسىپ، گۇيجوۋ ولكەسى، چۇڭچيڭ قالاسى، يۇننان ولكەسى قاتارلى جەرلەردە كەزىپ ءجۇرىپ دەلو تۋدىرىپ، 17 بالانى الداپ ساتقان. وسىعان ساي، گۇيياڭ قالالىق ورتا دارەجەلى حالىق سوت مەكەمەسى زاڭ بويىنشا 2024 – جىلى 10 – ايدىڭ 25 - كۇنى قىلمىستىق ىستەر ۇكىمىن شىعارىپ، بالالاردى الداپ ساتۋ قىلمىسى بويىنشا يۇي حۋايىڭدى ءولىم جازاسىنا ۇكىم ەتىپ، ساياسي ۇقىعىنان ماڭگى ماحۇرىم ەتكەن، سونداي - اق جەكە باسىنىڭ بارلىق مال – مۇلكىم ءمۇسادىرالاعان. يۇي حۋايىڭ بۇعان مويىنسال بولماي، جوعارىعا ارىز بەرەدى. گۇيجوۋ ولكەلىك جوعارى دارەجەلى حالىق سوت مەكەمەسى ەكىنشى سوتتا قاراۋ ارقىلى شاعىم ارىزدى تويتارىپ، بۇرىنعى ۇكىمدى ساقتاۋ جونىندە كەسىم جاسادى ءارى ەڭ جوعارى حالىق سوت مەكەمەسىنىڭ تەكسەرىپ بەكىتۋىنە جولدادى. ەڭ جوعارى حالىق سوت مەكەمەسى قايتا تەكسەرۋ ارقىلى يۇي حۋايىڭنىڭ ءولىم جازاسىن زاڭ بويىنشا تەكسەرىپ بەكىتتى.

گۇيياڭ قالالىق ورتا دارەجەلى حالىق سوت مەكەمەسى ءولىم جازاسىن اتقارۋدان بۇرىن، يۇي حۋايىڭدى جاقىن تۋىستارىمەن كەزدەسۋگە ورنالاستىرىپ، جازاسى اتقارىلاتىن قىلمىسكەرلەردىڭ زاڭدى ۇقىق - مۇددەسىن تولىق قامتاماسىزداندىردى.

كەلۋ قاينارى: حالىق تورابى