3 - ايدان باستاپ جاساندى قۇلاق ۇلۋى جانە تەكسەرۋدە پايدالاناتىن 2 - توپتاعى  ءدارى - دارمەكتەردى شوعىرلى ساتىپ الۋ ناتيجەسى شينجياڭدا ىركەس - تىركەس تياناقتاندىرىلادى 

انار بۇلت \ شينجياڭ گازەتىنىڭ ءتىلشىسى رىن چۇنشياڭ حابارلايدى. 3 - ايدىڭ 1 - كۇنىنەن باستاپ، شينجياڭدا جاساندى قۇلاق ۇلۋىن شوعىرلى تۇردە مولشەرلەپ ساتىپ الۋ بارىسىنداعى تاڭداۋ ناتيجەسى رەسمي اتقارىلادى، 3 - ايدىڭ 15 – كۇنى، انحۇي ولكەلىك ەمدەۋدى قامتاماسىزداندىرۋ مەكەمەسى باستاماشىلدىقپەن اتقارعان دەنە سىرتىنان دياگنوز قويۋ بارىسىندا تەكسەرۋگە پايدالاناتىن ءدارى - دارمەكتى ولكە ارالىق بىرلەستىك اياسىندا شوعىرلى تۇردە مولشەرلەپ ساتىپ الۋ ناتيجەسىن، سونداي – اق، جياڭشي ولكەلىك ەمدەۋدى قامتاماسىزداندىرۋ مەكەمەسى باستاماشىلدىقپەن اتقارعان بۇيرەك قىزمەتى مەن جۇرەك بۇلشىق ەتى فەرمەنتىن بيوحيميالىق جولمەن تەكسەرۋدە قولدانىلاتىن ءدارى - دارمەكتى ولكە ارالىق بىرلەستىك اياسىندا شوعىرلى ساتىپ الۋ ناتيجەسىن ءبىر ۋاقىتتا تياناقتاندىرادى.

جاساندى قۇلاق ۇلۋى — اۋىر دارەجەدەگى دىبىس سەزگىش نەرۆ سيپاتتى ساڭىراۋلىقتى ەمدەۋدەگى ەڭ ءونىمدى مەديتسينالىق ماتەريال، وسى رەتكى جاساندى قۇلاق ۇلۋىن شوعىرلى ساتىپ الۋ قىزمەتى 5 كاسىپورىندى باسەكەگە قاتىناسۋعا باۋرادى، ەڭ سوڭعى تاڭداۋدا باعاسى زور مولشەردە تومەندەدى، ورتا ەسەپپەن بىرەۋىنىڭ باعاسى 200 مىڭ يۋاننان 50 مىڭ يۋانعا ءتۇسىرىلىپ، ارزانداۋ مولشەرى %75 كە جەتىپ، ناۋقاستاردىڭ ەكونوميكالىق اۋىرتپالىعىن بارىنشا جەڭىلدەتتى، تۋما ساڭىراۋ بالالاردىڭ ءتىلدىڭ جەتىلۋىنىڭ التىن مەزگىلىندە دەر كەزىندە ەمدەلۋىنە مۇمكىندىك جاسادى.

كەلۋ قاينارى: حالىق تورابى