ەڭ جوعارى حالىق سوتى مەكەمەسى ”قىستاق زورەكەرلەرى“ مەن اۋلەتتىك، رۋلىق قارا قول سيپاتتى ۇيىمداردى، سۇرقيا كۇشتەردى ۇزدىكسىز جونگە سالادى 

ءتىلشىنىڭ 3 - ايدىڭ 9 - كۇنى تۇستەن كەيىن ەڭ جوعارى حالىق سوتى مەكەمەسى وتكىزگەن 2025 – جىلعى مەملەكەتتىك ەكى ماجىلىستەگى «ەڭ جوعارى حالىق سوتى مەكەمەسىنىڭ قىزمەتىنەن بايانداما» جونىندە تۇسىنىك بەرۋگە ارنالعان جالپىلىق اقپارات قۇرالدارى تىكە تاراتاتىن جەلىلەس سۇحباتتىڭ 2 - رەتكى قيمىلىنان ۇعىسۋىنشا، بۇكىل ەلدەگى ءار دارەجەلى حالىق سوتى مەكەمەلەرى حالىق ءۇشىن حاۋىپسىزدىكتىڭ ەڭ تومەنگى شەگىن ويداعىداي ساقتاۋ سىندى اۋەلگى ماقساتىنان جازباي، نايزا ۇشىن ءتۇرلى قارا قول سيپاتىنداعى ۇيىمدار مەن سۇرقيا كۇشتەردىڭ زاڭعا قايشى قىلمىستارىنا كەزەپ، قارا قول سيپاتىنداعى ۇيىمدار مەن سۇرقيا كۇشتەرگە ساياتىن قىلمىستاردى جانە ولاردىڭ ”باسقالقالارىن“ قاتاڭ جازالاپ، قارا قول سيپاتىنداعى ۇيىمداردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتكەن.

وتكەن جىلى قارا قول سيپاتىنداعى ۇيىمدار مەن سۇرقيا كۇشتەرگە ساياتىن قىلمىستىق دەلولاردان 1663 دەلونى قاراپ اياقتاتىپ، 8840 قىلمىستىعا ۇكىم شىعارعان. ”زاڭسىز قاراجاتتىڭ جاي - جاپسارىن انىقتاۋدى“، ”قاراجات جەلىسىن ءۇزۋدى“ تيتتەي دە اياۋشىلىق ەتپەستەن ىلگەرىلەتىپ، ”زاڭسىز قاراجاتتى“ ءبىر جاقتى ەتۋدەن قامال الۋ ارەكەتىن ورنالاستىرىپ جانە ورىستەتىپ، ”زاڭسىز قاراجاتتى“ اداقتاپ تاپسىرۋدى بار كۇشپەن ىلگەرىلەتىپ، 260 ميلليون يۋاننان استام اقشانى تياناقتاندىرىپ، مال – مۇلىك جاعىنان جازالاۋدىڭ ورىندالۋ مولشەرىن %80 تەن اسىرىپ، قارا قول سيپاتتى ۇيىمدار مەن سۇرقيا كۇشتەر ءوسىپ - ءوربيتىن ەكونوميكالىق شارت -جاعدايدى باتىل الاستاعان.

قيمىل بارىسىندا، ەڭ جوعارى حالىق سوتى مەكەمەسىنىڭ قىلمىستىق ىستەر جونىندە تەرگەۋ جۇرگىزۋ جانە ۇكىم شىعارۋ 1 – سوتىنىڭ باستىعى حى ليدىڭ ايتۋىنشا، ءىشىنارا اۋىل – قىستاقتاردا ”قىستاق زورەكەرلەرى“ مەن اۋلەتتىك، رۋلىق قارا قول سيپاتىنداعى ۇيىمدار مەن سۇرقيا كۇشتەر ويىنا كەلگەنىن ىستەپ، نەگىزگى ساتىداعى جۇرتشىلىقتى باسىنعان، زاقىمداعان، اۋىل – قىستاقتاعى وڭىرلەردىڭ قوعامىنىڭ ورنىقتىلىعىن اۋىر دارەجەدە زيانداعان. حالىق سوتى مەكەمەسى ورتالىقتىڭ 1 – ءنومىرلى قۇجاتىنداعى ”اۋىل – قىستاقتاعى وڭىرلەردەگى قارا قول سيپاتىنداعى ۇيىمدار مەن سۇرقيا كۇشتەردى الاستاۋداعى ۇدايىلانعان مەحانيزمدى كەمەلدەندىرۋ“ جونىندەگى ورنالاستىرۋدى مۇقيات دايەكتى تياناقتاندىرىپ، ”قىستاق زورەكەرلەرىن“ ۇزدىكسىز جونگە سالىپ، اۋىل – قىستاقتاعى اۋلەتتىك، رۋلىق قارا قول سيپاتىنداعى ۇيىمدار مەن سۇرقيا كۇشتەرگە جانە ولاردىڭ ”باسقالقالارىنا“ زاڭ بويىنشا سوققى بەرەدى. (باس ستانسيا ورتالىق تەلەۆيزيا ءتىلشىسى شي دانني)

كەلۋ قاينارى: حالىق تورابى