فۋجوۋ — شونجى اۋە جۇك تاسىمالى كاسىبى اشىلدى

3 ـ ايدىڭ 6 ـ كۇنى ساعات 15 مولشەرىندە، چىڭدۋ اۆياتسياسى ۇشۋ مىندەتىن ۇستىنە العان فۋجوۋدان شونجىعا دەيىنگى EU2432 رەتكى كەزەكشى ۇشاق فۋجوۋ تەڭىز ونىمدەرىن تيەپ شونجى جانبۇلاق اۋەجايىنا ءساتتى جەتتى، بۇل اتالعان اۋەجايدىڭ 2024 ـ جىلى 8 – ايدىڭ 8 - كۇنى جولاۋشى تاسىمالىن جۇزەگە اسىرعاننان بەرى اۋە جۇك تاسىمالى كاسىبىنىڭ رەسمي ىسكە قوسىلعاندىعىن كورسەتەدى.

سانجى وبلىسىنداعى تۇڭعىش حالىقتىق تاسىمال اۋەجايى رەتىندە، شونجى جانبۇلاق اۋەجايىنىڭ وسى رەتكى اۆياتسيا جۇك تاسىمال كاسىبىنىڭ رەسمي اشىلۋى وڭىرلىك ەكونوميكانىڭ جوعارى ساپالى دامۋىن ىلگەرىلەتۋدە ماڭىزدى مانگە يە. ەندى ءبىر جاعىنان، شينجياڭ شىعىس جوڭعار ەكونوميكالىق - تەحنيكالىق اشۋ رايونىنىڭ ونەركاسىپ ونىمدەرى اۆياتسيا زات اينالىمى ارقىلى تەز ارادا تىكە جەتىپ، تاسىمال پەريودىن قىسقارتىپ، وزىندىك قۇندى تومەندەتىپ، ونىمدىلىكتى ارتتىرادى؛ ەندى ءبىر جاعىنان، شونجى مەن ونىڭ توڭىرەگىندەگى وڭىرلەردىڭ سيىر، قويدىڭ جاس ەتى قاتارلى ەرەكشە اۋىل شارۋاشىلىق ونىمدەرىن اۋە تاسىمالى جەلىسى ارقىلى سىرتقا ساتۋ ارناسىن كەڭەيتىپ، ەلەكتروندىق ساۋدا كاسىبىنىڭ دامۋىن ىلگەرىلەتىپ، جەرگىلىكتى شارۋالاردىڭ كىرىسىن ارتتىرىپ، اۋقاتتانۋىنا دەم بەرەدى.

كەلۋ قاينارى: حالىق تورابى