جۇڭگو ازاماتتىعىنداعى الدامكوستىككە ساياتىن قىلمىس كۇماندىلارىنان 620 دان استام ادام ەلىمىزگە قايتارىلدى

2 – ايدىڭ 28 – كۇنى، جۇڭگو مەن بيرمانىڭ، تايلاندتىڭ قاتىستى تاراۋلارى تايلاندتىڭ بانكوك قالاسىندا مەملەكەت اتتاپ تەلەكومنان پايدالانىپ الدامكوستىك ىستەۋ قىلمىسىنا بىرلەسىپ سوققى بەرۋ جونىندەگى مينيستر دارەجەلى سايكەستىرۋ ءماجىلىسىن اشىپ، مەملەكەت اتتاپ تەلەكومنان پايدالانىپ الدامكوستىك ىستەۋ قىلمىسىنا بىرلەسىپ سوققى بەرۋ ماسەلەسى جونىندە ىشكەرىلەي پىكىر اۋىستىردى ءارى ءبىرقىدىرۋ ورتاق تانىمعا كەلدى.

ماجىلىستە مىنالار اتاپ كورسەتىلدى: قازىر مەملەكەت اتتاپ تەلەكومنان پايدالانىپ الدامكوستىك ىستەۋ قىلمىسىنىڭ جاعدايى اۋىر، وڭىرلىك ەكونوميكانىڭ دامۋى مەن قوعامنىڭ ورنىقتىلىعىنا اسا زور زيان جەتكىزىپ، ءار ەل ازاماتتارىنىڭ زاڭدى ۇقىق ـ مۇددەسىنە اۋىر زيان جەتكىزىپ وتىر. جۇڭگو، بيرما، تايلاند ءۇش مەملەكەتتىڭ قاتىستى تاراۋلارى زاڭ اتقارۋ جاعىنداعى حالىقارالىق سەلبەستىكتى اناعۇرلىم تەرەڭدەتىپ، سوققى بەرۋ تەبىنىن كۇشەيتىپ، وسى تەكتەس قىلمىستاردىڭ كوپ تۋىلۋى سىندى جاعدايعا بەلسەندى، ءونىمدى توتەپ بەرىپ، قىلمىستىلار توبىنىڭ ءومىر ءسۇرۋ كەڭىستىگىن مۇمكىندىكتىڭ بارىنشا تارايتىپ، ۋلى دەرتتى بىرگە الاستاپ، ءار ەل ازاماتتارىنىڭ باس اماندىعى مەن مال ـ مۇلىك حاۋىپسىزدىگىن باتىل قورعايدى.

ۇعىسۋعا قاراعاندا، تاياۋدا جۇڭگو، بيرما، تايلاند ءۇش ەلدىڭ قاتىستى تاراۋلارى مەملەكەت اتتاپ تەلەكومنان پايدالانىپ الدامكوستىك ىستەۋ قىلمىستىق ارەكەتىنە بىرلەسىپ سوققى بەرۋ جاعىندا ءبىرقىدىرۋ قيمىلداردى ورىستەتىپ، مياۋۋادي رايونىنداعى جۇڭگو ازاماتتىعىنداعى الدامكوستىككە ساياتىن قىلمىس كۇماندىلارىنان 620 دان استام ادامدى ءساتتى تۇردە ەلىمىزگە قايتارعان.

(باس ستانسيا ورتالىق تەلەۆيزيا ءتىلشىسى چىن يۇي)

كەلۋ قاينارى: حالىق تورابى