شينجياڭ اۋا رايى ستانسياسى قالىڭ قار جاۋىپ، تەمپەراتۋرا تومەندەيتىندىگىن ەسكەرتتى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، قاتتى سۋىق اعىستىڭ اسەرىنەن 3 – ايدىڭ 7 – كۇنىنەن 10 – كۇنى ءتۇن جارىمىنا دەيىن سولتۇستىك شينجياڭدا قالىڭ قار جاۋادى، ءىشىنارا تاۋلى رايونداردا ەرەكشە قالىڭ قار جاۋادى، سولتۇستىك شينجياڭدا قۇمدى بوران سوعادى، بۇكىل شينجياڭداعى جەل وتتەرىندەگى جەل كۇشى 9 دا 10 بالعا جەتەدى، مەزەتتىك جەل كۇشى 11 دە 13 بالعا جەتەدى.

الدىن الا مالىمەتتە كورسەتىلۋىنشە، 3 ـ ايدىڭ 7 ـ كۇنى تۇستەن كەيىننەن 8 ـ كۇنى كۇندىزگە دەيىن سولتۇستىك شينجياڭنىڭ باسىم كوپ بولەگى، تيانشان تاۋلى ءوڭىرى جانە وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسى، قۇمىل قالاسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە قىرباق قار جاۋادى، ءىشىنارا وڭىرلەردە ورتاشا نەمەسە قالىڭ قار جاۋادى، تاۋلى وڭىرلەردىڭ ءىشىنارا جەرلەرىندە ەرەكشە قالىڭ قار جاۋادى.

3 – ايدىڭ 8 – كۇنى ءتۇن جارىمىنان 9 – كۇنى كۇندىزگە دەيىن، ىلە اڭعارىندا، بۇراتالا موڭعۇل اۆتونوميالى وبلىسىنىڭ باتىس بولەگىندە، تارباعاتاي ايماعىنىڭ سولتۇستىگىندە، التاي ايماعىندا قىرباق نەمەسە ورتاشا قار جاۋادى، ءىشىنارا تاۋلى وڭىرلەردە قالىڭ قار جاۋادى، كەي جەرلەردە ەرەكشە قالىڭ قار جاۋادى.

3 ـ ايدىڭ 9 ـ كۇنى تۇننەن 10 ـ كۇنى تۇنگە دەيىن، سولتۇستىك شينجياڭنىڭ جەر ـ جەرىندە جانە وڭتۇستىك شينجياڭنىڭ باتىس بولىگىندەگى تاۋلى وڭىرلەردە، بايىنعولىن موڭعۇل اۆتونوميالى وبلىسى، قۇمىل قالاسى قاتارلى جەرلەردىڭ ءىشىنارا وڭىرلەرىندە قىرباق قار جاۋادى، ءىشىنارا وڭىرلەردە ورتاشا نەمەسە قالىڭ قار جاۋادى، ءىشىنارا جەرلەردە ەرەكشە قالىڭ قار جاۋادى.

قاردىڭ جاۋۋىنا بايلانىستى، 3 – ايدىڭ 9 – كۇنى ءتۇن جارىمىنان 10 – كۇنى ءتۇن جارىمىنا دەيىن، سولتۇستىك شينجياڭنىڭ باسىم كوپ بولەگىندە، شىعىس شينجياڭدا ەڭ تومەنگى تەمپەراتۋرا 5 تە 8 سەلتسي گرادۋس تومەندەيدى، ىلە اڭعارى، بۇراتالا وبلىسى، تارباعاتاي ايماعىنىڭ سولتۇستىك بولەگى، التاي ايماعى، قۇمىل قالاسىنىڭ سولتۇستىك بولەگىنىڭ كەي جەرلەرىندە تەمپەراتۋرا 10 دا 12 سەلتسي گرادۋس تومەندەيدى، سۋىق اعىس بولادى.

3 – ايدىڭ 11 – كۇنى تاڭەرتەڭ، سولتۇستىك شينجياڭداعى جازىق رايونداردىڭ باسىم كوپ بولەگىنىڭ ەڭ تومەنگى تەمپەراتۋراسى نولدەن تومەن 12 دە نولدەن تومەن 7 سەلتسي گرادۋسقا تۇسەدى.

كەلۋ قاينارى: حالىق تورابى