گۆاتەمالاداعى فۋەگو جانار تاۋى اتىلعان 

جەرگىلىكتى ۋاقىت بويىنشا 3 - ايدىڭ 10 ـ كۇنى، گۆاتەمالا حالىقتىق قورعانىس مينيسترلىگى مىنانى حابارلاندىردى: اتالعان ەلدىڭ استاناسى گۆاتەمالا قالاسىنىڭ باتىس - وڭتۇستىك بولەگىندەگى فۋەگو جانار تاۋى سول كۇنى تاڭ سارىدە كەڭ كولەمدە اتىلا باستاعان، جانار تاۋ كۇلى 7000 مەتر بيىكتىككە دەيىن اتىلعان، سونداي ـ اق باتىس - سولتۇستىك جانە باتىس - وڭتۇستىك باعىتتاردا 50 كيلومەتردەي جەرگە جايىلعان. جەرگىلىكتى ۇكىمەت ىقپالعا ۇشىراعان ەسكۋنينتلا ولكەسى مەن ساكاتەپەكۋەز ولكەسىندە ساقتىق كۇيىنە ءوتۋدى جاريالاعان.

گۆاتەمالانىڭ مەملەكەتتىك اپاتتىڭ زيانىن ازايتۋدى سايكەستىرۋ كوميتەتى مىنانى بىلدىرگەن: وسى رەتكى جانار تاۋدىڭ اتىلۋى بارىسىندا جاقىن ماڭداعى الەۋمەتتىك اۋماقتاردا ”جانار تاۋ قيىرشىقتارىنىڭ اعىنى“ بايقالعان. الدىن الۋ شاراسى رەتىندە، جانار تاۋدىڭ ماڭىنداعى قىستاقتارداعى 125 وتباسىنداعى 900 گە جۋىق ادام كوشىرىلگەن. كوشىرىلگەن وتباسىلاردى ورنالاستىرۋعا سول جەردەگى قالالىق اكىمشىلىك مەڭگەرمەسىنىڭ قۇرىلىستارى پايدالانىلعان.

فۋەگو جانار تاۋى گۆاتەمالانىڭ استاناسى گۆاتەمالا قالاسىنىڭ باتىس - وڭتۇستىگىنە ورنالاسقان، تەڭىز دەڭگەيىنەن بيىكتىگى 3763 مەتر، ورتا امەريكا قۇرلىعىنداعى ەڭ جيى اتىلاتىن جانار تاۋلاردىڭ ءبىرى. 2018 ـ جىلى 6 ـ ايدا فۋەگو جانار تاۋى اتىلىپ، 200 دەن استام ادام قازا بولعان. (باس ستانسيانىڭ ءتىلشىسى ما تيانجيڭ)

كەلۋ قاينارى: حالىق تورابى