جۇڭگو مەن ساموا اراسىنداعى ءوزارا ۆيزا تالاپ ەتپەۋ كەلىسىمشارتى 4 – ايدىڭ 2 – كۇنىنەن باستاپ كۇشكە يە بولادى 

سىرتقى ىستەر مينيسترلىگىنىڭ ”كونسۋلدىق توتە قاتىناس“ ۋيشين تەكشەسىنىڭ حابارلاۋىنشا، «جۇڭحۋا حالىق رەسپۋبليكاسى ۇكىمەتى مەن ساموا تاۋەلسىز مەملەكەتى ۇكىمەتىنىڭ ءوزارا ۆيزا تالاپ ەتپەۋ كەلىسىمشارتى» 2025 – جىلى 4 – ايدىڭ 2 – كۇنىنەن باستاپ كۇشكە يە بولادى.

كەلىسىمشارتقا نەگىزدەلگەندە، جۇڭگونىڭ ديپلوماتيالىق قىزمەت پاسپورتى، ۇكىمەت قىزمەتى پاسپورتى، ۇكىمەت قىزمەتى جاي پاسپورتى جانە جاي پاسپورتى بار ازاماتتارى مەن ساموا تاۋەلسىز مەملەكەتىنىڭ ديپلوماتيالىق قىزمەت پاسپورتى، ۇكىمەت قىزمەتكەرلەرى پاسپورتى جانە جاي پاسپورتى بار ازاماتتارى كەلىسىمشارتتاعى ەكىنشى جاقتىڭ شەكاراسىنا كىرىپ – شىققاندا نەمەسە ەكىنشى جاقتىڭ شەكاراسى ارقىلى ءۇشىنشى جاققا وتكەندە ءبىر رەتتە ايالداعان ۋاقىتى 30 كۇننەن اسپايتىن، ءار 180 كۇندە ايالداعان ۋاقىتى جيىنى 90 كۇننەن اسپايتىن جاعدايدا، ۆيزا اشتىرۋىنىڭ قاجەتى جوق. ەگەر كەلىسىمشارتتاعى ەكىنشى جاقتىڭ شەكاراسى ىشىندە ايالداعان ۋاقىتى جوعارىداعى ايالداۋعا قويىلاتىن ۋاقىت شەكتەمەسىنەن اسىپ كەتەتىن بولسا، نەمەسە كەلىسىمشارتتاعى ەكىنشى جاقتىڭ شەكاراسى ىشىندە قىزمەت ىستەۋ، ۇيرەنۋ، قونىستانۋ، اقپارات تاراتۋ قاتارلى كەلىسىمشارتتاعى ەكىنشى جاقتىڭ باسقارۋشى تاراۋلارىنىڭ ىستەن بۇرىن بەكىتۋىن قاجەت ەتەتىن قيمىلدارمەن شۇعىلداناتىن بولسا، كەلىسىمشارتتاعى ەكىنشى جاقتىڭ شەكاراسىنان كىرۋدەن بۇرىن سايكەستى ۆيزاعا ءوتىنىش بەرۋى كەرەك.

كەلۋ قاينارى: حالىق تورابى