شينجياڭ بوراننان ساقتانۋدىڭ كوك ءتۇستى ساقتىق سيگنالىن جاريالادى

جۇڭگو اۋا رايى تورابىنىڭ ساقتاندىرۋ ينفورماتسياسىنا نەگىزدەلگەندە، 3 ـ ايدىڭ 18 ـ كۇنى ساعات 16دان 20 مينۋت وتكەندە، شينجياڭ اۋا رايى ستانسياسى قاتتى بوراننان ساقتانۋدىڭ كوك ءتۇستى ساقتىق سيگنالىن جاريالاعان.

مەجەمەن 3 - ايدىڭ 19 - كۇنى كۇندىزدەن 21 - كۇنى كۇندىزگە دەيىن تارباعاتاي ايماعىنىڭ سولتۇستىك بولەگى، التاي ايماعىنىڭ باتىس بولەگى، ءۇرىمجى قالاسى، سانجى وبلىسىنىڭ شىعىس بولەگى قاتارلى جەرلەردىڭ ءىشىنارا وڭىرلەرىندە قيىس شىعىستان 6 بال اينالاسىندا بوران سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل رايونى، التاي ايماعىنىڭ نوقاي جەل رايونى، ءۇرىمجى قالاسىنىڭ ۇلانباي جانە حۇڭيانچى قاتارلى جەل وتتەرىندە جەل كۇشى 9 دا 10 بال بولادى، مەزەتتىك جەل كۇشى 11 بال اينالاسىندا بولادى، ساقتىقتى كۇشەيتىڭىزدەر.

اۋا رايى تاراۋلارىنىڭ ەسكەرتۋىنشە، الداعى ءۇش كۇندە سولتۇستىك شينجياڭدا تەمپەراتۋرا كورنەكتى جوعارىلايدى، الاسا تاۋلى وڭىرلەر مەن جەر ءتۇزىلىسى ويپاڭ جەرلەردە قار ەرۋدەن تاسقىن ءجۇرۋ مۇمكىندىگى ارتادى، سولتۇستىك شينجياڭنىڭ باتىس بولەگىندەگى، سولتۇستىك بولەگىندەگى تاۋلى وڭىرلەردىڭ قار قاباتى تۇراقسىز بولىپ، ءىشىنارا جەرلەردە قار كوشكىنى ءتۇسۋ قاتەرى ءبىرشاما زور بولادى؛ قالادا كۇندىز ەرىپ، تۇندە قاتۋ جاعدايى بولاتىندىقتان، بيىك قاباتتاردان مۇز قۇلاۋ جاعدايى وڭاي تۋىلادى، ساقتانۋدى كۇشەيتۋ كەرەك.

3 - ايدىڭ 19 ـ كۇنى كۇندىزدەن 20 ـ كۇنىنە دەيىن سولتۇستىك شينجياڭنىڭ سولتۇستىك بولەگىندەگى جەل وتتەرىندە بوران قاتىناس ـ تاسىمال، ەگىن، مال شارۋاشىلىق ءوندىرىسى، قالا اينالىمى، ەلەكتر قۋاتى، حابارلاسۋ قاتارلىلارعا ٴتيىمسىز ىقپال جاسايدى.

كەلۋ قاينارى: حالىق تورابى