شينجياڭ قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى!

شينجياڭ ۇيعۇر اۆتونوميالى رايوندىق اۋا رايى ستانسياسى 2025 – جىلى 3 – ايدىڭ 23 - كۇنى ساعات 16 دان 30 مينۋت وتكەندە قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 3 – ايدىڭ 23 – كۇنى تۇننەن 25 – كۇنى كۇندىزگە دەيىن دەيىن ىلە اڭعارىنىڭ تاۋلى ءوڭىرى، بۇراتالا موڭعۇل اۆتونوميالى وبلىسىنىڭ باتىس بولىگىندەگى تاۋلى ءوڭىر، تارباعاتاي ايماعىنىڭ تاۋلى ءوڭىرى، التاي ايماعىنىڭ تاۋلى ءوڭىرى، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى رايون قاتارلى جەرلەردىڭ كەي وڭىرلەرىندە قالىڭ قار جاۋادى، ءىشىنارا وڭىرلەرىندە ەرەكشە قالىڭ قار جاۋادى، جالپى جاۋعان قاردىڭ قالىڭدىعى 25 ~ 45 ميلليمەتر بولادى. ساقتىقتى كۇشەيتىڭىزدەر.

قورعانۋ ەسكەرتپەسى:

ءبىرىنشى، ۇكىمەت جانە قاتىستى تاراۋلار مىندەت جاۋاپكەرشىلىگى بويىنشا قار اپاتىنان ساقتانۋ جانە ۇسىكتەن ساقتانۋدىڭ دايىندىق قىزمەتىن جاقسى ىستەۋى كەرەك؛

ەكىنشى، قاتىناس، تەمىر جول، ەلەكتر ەنەرگياسى، حابارلاسۋ قاتارلى تاراۋلار تاسجول، تەمىرجول، جول جەلىلەرىن ارالاپ تەكسەرىپ، قورعاپ، جول تازالاۋ جانە قار - مۇزداردى ەرىتۋ قىزمەتىن ويداعىداي ىستەۋى كەرەك؛

ءۇشىنشى، جاياۋلار سۋىقتان، تايعاناۋدان ساقتانۋعا كوڭىل ءبولۋى، شوفەرلەر كولىكتى ابايلاپ ايداۋى، كولىكتىڭ تايعاناۋىنان ساقتانۋ شارالارىن قولدانۋى كەرەك؛

ءتورتىنشى، ەگىن، مال شارۋاشىلىق رايوندارى مەن باعىمشىلىق شارۋاشىلىعىندا جەم - ءشوپ قورىن دايىنداۋ، قار اپاتىنان ساقتانۋ جانە ۇسىكتەن ساقتانۋ دايىندىعىن جاقسى ىستەۋ كەرەك؛

بەسىنشى، قورا – قالتقىنىڭ ارقالىعىن بەكەمدەۋ قاتارلىلار ارقىلى قار قىسىمىنا وڭاي ۇشىرايتىن قۇرىلىستاردى ۋاقىتشا بەكەمدەۋ كەرەك.

كەلۋ قاينارى: حالىق تورابى