زات ساتىپ الۋ كارتوچكاسى ”اقشا جىلىستاتۋدىڭ“ جاڭا قۇرالىنا اينالدى ما؟ جۋىردا وسى تەكتەس الدامكوستىك ءجيى تۋىلدى 

قوعام حاۋىپسىزدىگى مينيسترلىگى جۋىردا جاريالاعان ەسكەرتۋگە قاراعاندا، زات ساتىپ الۋ كارتوچكاسى ارقىلى الدامكوستىككە ساياتىن قارجىنى جوتكەۋ سىندى الدامكوستىك پەن اقشا جىلىستاتۋدىڭ جاڭا ءتاسىلى بۇكىل ەلىمىزدىڭ كوپ جەرىندە ءجيى تۋىلعان. الدامكوستەر زات ساتىپ الۋ كارتوچكاسىنىڭ شىن اتى – ءجوندى قولدانبايتىن ەرەكشەلىگىنەن پايدالانىپ الدامكوستىك ىستەگەن، الدىمەن زيانكەستىككە ۇشىراۋشىلاردى زات ساتىپ الۋ كارتوچكاسىن ساتىپ الۋعا شىرعالاعان، ونان سوڭ كارتوچكا نومىرىنە، قۇپيا سيفرىنا قول جەتكىزىپ، الدامكوستىك ىستەۋمەن بىرگە، اقشا جىلىستاتۋ قىلمىسىن دا وتكىزگەن.

جۋىردا نانجيڭ قالالىق قوعام حاۋىپسىزدىگى مەكەمەسىنىڭ جيانيە بولىمشە مەكەمەسى قاراستى رايونداعى بەلگىلى ەرەنبازاردا تۋىلعان زات ساتىپ الۋ كارتوچكاسىنا قاتىستى قالىپسىز جاعداي جونىندەگى دەرەكتى قابىلدايدى. ءبىر ەر ادام قۇنى 145 مىڭ يۋان كەلەتىن زات ساتىپ الۋ كارتوچكاسىن ءبىر جولدا ساتىپ العان، بۇل جاعداي ەرەنبازار قىزمەتكەرلەرىن كۇمانداندىرعان.

سول كۇنى كەشكى ساعات 7 دەن اسقاندا، نانجيڭ قالاسى جيانيە رايونىنداعى ءبىر ەرەنبازارعا جوۋ X ەسىمدى الارمان كەلىپ، ەكى مينۋت ىشىندە قۇنى 145 مىڭ يۋاندىق زات ساتىپ الۋ كارتوچكاسىن ساتىپ الىپ، مەكەمەدەگى قىزمەتكەرلەردىڭ يگىلىگىنە تاراتاتىنىن ايتادى. ەرەن بازار قىزمەتكەرلەرى تالوندى قالاي جازۋ تۋرالى سۇراعاندا، ول تالونعا قاتىستى ينفورماتسيالاردى ۇيدە ۇمىتىپ كەتكەندىگىن ايتىپ، تالون اشۋ قاجەت بولسا، سول كەزدە حابارلاساتىنىن ايتادى.

جوۋ x تىڭ بۇل سوزدەرىنىڭ قالىپسىز ەكەنى انىق، قىزمەتكەرلەر جوۋ x تىڭ قايتا - قايتا قولفوندى پايدالانىپ، حابار – وشار تاراتىپ جاتقانداي بولعانىنا ءارى ولاردى زات ساتىپ الۋ كارتوچكاسىن تەز ارادا اداقتاۋعا قۋزاعانىنا نازار اۋدارادى.

ەرەنبازاردىڭ قىزمەتكەرى بىلاي دەيدى: سول كەزدە مەن بۇل جاعدايدىڭ قالىپسىز ەكەنىن سەزىندىم، ول زات ساتىپ الۋ كارتوچكاسىن ساتىپ العان كەزدە كوكتەم مەرەكەسى الدە قاشان ءوتىپ كەتكەن، ونىڭ ۇستىنە ول تالونعا جازىلاتىن ينفورماتسيالاردى دا بىلمەيتىن بولىپ شىقتى، سوندىقتان مەن دەرەۋ زياننىڭ الدىن الۋ تاراۋلارىنا ۇقتىردىم.

ەرەنبازاردى باسقارۋ تاراۋلارى تالداۋ جاساعاننان كەيىن، جوۋ x الدامكوستىككە تاپ بولعان مۇمكىن دەپ ويلاپ، دەرەۋ ساقشىعا مالىمدەيدى.

مەملەكەتتىك الدامكوستىكتەن ساقتانۋ ورتالىعىنىڭ حالىق ساقشىسى ياڭ جۇي بىلاي دەيدى: ەگەر بىرەۋ سىزگە قىرۋار زات ساتىپ الۋ كارتوچكاسىن ساتىپ الىپ، كارتوچكا ءنومىرى مەن قۇپيا سيفرىن ايتىپ بەرۋدى وتىنسە، بۇل ءسىزدىڭ الدامكوستىككە تاپ بولعاندىعىڭىزدى تۇسىندىرەدى؛ مۇنان سىرت، بارشا ساۋداگەرلەرگە ەسكەرتەرىمىز، ەگەر بىرەۋ قالىپسىز تۇردە قىرۋار زات ساتىپ الۋ كارتوچكاسىن ساتىپ السا، دەر كەزىندە ساقشىعا مالىمدەڭىزدەر. (باس ستانسيا ورتالىق تەلەۆيزيا تىلشىلەرى چىن يۇي، جاڭ لەي)

كەلۋ قاينارى: حالىق تورابى