كوكتەمدە ادامنىڭ قۇس تۇماۋىمەن جۇعىمدالۋىنان قالاي ساقتانۋعا بولادى؟ ودان ساقتانۋدىڭ مىناداي قولدانباسىن تاپسىرىپ الىڭىز 

جۋىردا كوكتەم مەزگىلىندە اۋا تەمپەراتۋراسىنىڭ جوعارىلاۋىنا بايلانىستى، ءبىر ءبولىم باقشا، سازدىق قاتارلى جاراتىلىستىق ورتادا سولتۇستىككە ورالاتىن جىل قۇستارىنىڭ ءتۇرى مەن سانى بىرتىندەپ ارتادى، تۇرعىنداردىڭ قالا ماڭىندا ساياحاتتاۋ، كوكتەمگى سەيىلگە شىعۋ قاتارلى دالاداعى قيمىلدار بارىسىندا جابايى قۇستارمەن نەمەسە ولاردىڭ تىرشىلىك ورتاسىمەن جاناسۋ ىقتيمالدىعى دا ارتادى.

قۇس تۇماۋىمەن جۇعىمدالۋدان ءونىمدى ساقتانىپ، ءوز دەنساۋلىعىڭىزدى جانە وتباسىڭىزداعىلاردىڭ دەنساۋلىعىن قورعاۋ ءۇشىن، مىناداي بىرنەشە جاقتان كوڭىل ءبولۋىڭىزدى ەسكەرتەمىز:

01

قۇستار مەن باسقا دا جابايى حايۋاناتتارعا جۋىسۋدان ساقتانۋ كەرەك. ءتىرى قۇستارعا جۋىسپاۋ نەمەسە قۇستاردىڭ ناجىستەرىمەن بىلعانعان وڭىرلەرگە جۋىسپاۋ، قۇستارعا جۋىسپاۋ نەمەسە جەم بەرمەۋ، اۋىرىپ ولگەن قۇستار مەن مالدارعا جۋىسپاۋ كەرەك.

02

قۇستاردىڭ مەكەنىنە قادام تاستاعان ساياحاتشىلار نەمەسە باعىمشىلىق قىزمەتكەرلەرى جەكە باسىنىڭ ساقتانۋ شارالارىن ويداعىداي ىستەپ، اۋىزدى، مۇرىندى، كوزدى قولمەن تىكەلەي سيپاۋدان ساقتانۋى كەرەك. مىسالى، قۇستارعا نەمەسە قۇستاردىڭ ناجىستەرىنە جۋىسقان جاعدايدا، قولدى سۋمەن سابىنداپ تازالاپ جۋعان ءجون.

03

تاماقتانۋدا جاقسى ادەتتى ساقتاۋ كەرەك. كارەنتيندەۋدەن وتكىزىلگەن توڭازىتىلعان قۇس ەتى سىندى زاتتاردى سەنىمدى بازارلاردان ساتىپ العان ءجون. تاماق پىسىرعاندا پىسقان تاماق پەن شيكى تاماقتى بولەك ىدىسقا سالۋعا كوڭىل ءبولۋ قاجەت. قۇس ەتى مەن جۇمىرتقا تەكتەس ازىق - تۇلىكتەردى ابدەن پىسىرىپ جەگەن ءجون.

04

وتباسى ورتاسى مەن جەكەلەردىڭ كۇندەلىكتى تازالىعىنا كوڭىل بولگەن ءجون. تۇرعىندار وتباسىنداعى قوقىر - قوقسىقتار مەن ازىق - تۇلىكتەردىڭ قالدىقتارىن دەر كەزىندە تازالاپ، تۇرعىندار قونىستانعان رايونعا جابايى قۇستاردى باۋراۋدان ساقتانعان ءجون.

قۇس باعاتىن وتباسىلار قۇستاردىڭ ۇياسىن تازالاۋ جانە ديزەنفەكسيالاۋ جۇمىستارىن ويداعىداي ىستەپ، ءۇي قۇستارىنىڭ جابايى قۇستارمەن جۋىسۋىنان ساقتانعانى ءجون. قولدىڭ تازالىعىنا كوڭىل ءبولۋ، جوتەلگەندە نەمەسە تۇشكىرگەندە اۋىز بەن مۇرىندى قاعاز ورامالمەن قالقالاۋ، كەز كەلگەن جەرگە تۇكىرمەۋ كەرەك.

05

كۇندەلىكتى تۇرمىستا ءوز دەنساۋلىعىن باقىلاۋ مەن باسقارۋدى ويداعىداي ىستەۋ كەرەك. ەگەر قۇستارعا نەمەسە اۋىرىپ ولگەن قۇستارعا جۋىسقاننان كەيىن قىزۋ، جوتەلۋ سياقتى اۋرۋ بەلگىلەرى بايقالسا، دەر كەزىندە ەمدەۋ قۇرىلىمدارىنا بارىپ ەمدەلۋ ءارى شيپاگەرگە ءوزىنىڭ قۇستارعا نەمەسە قاتىستى ورتاعا جۋىسقانىن ىرىقتىلىقپەن ايتۋى كەرەك.

كەلۋ قاينارى: حالىق تورابى